Proverbios 19:17 - CHUYA QELLQA La Biblia en Quechua de Ayacucho 2012

¹⁷ Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Quechua Ayacucho Bible 1987

¹⁷ Tayta Diosmanmi prestan wakcha runaman qoykuq runaqa. Chayna rurasqanmantam paymanpas Tayta Dios pagapunqa.

Chuya Qellqa 1992

¹⁷ Wakchaman prestaspaqa Tayta Diosmanmi prestachkan, chay qosqantaqa Tayta Diosmi kutichipunqa.

Proverbios 19:17 Iomraidhean Croise

2~Samuel 12:6

Chay ovejachapa rantinpipas tawa ovejakunatam sayachipunan, mana kuyapayarispa ruwasqanmanta, nispa.

Proverbios 12:14

Runaqa rimasqankunapa rurunwanmi saksan, makinkunawan ruwasqanmantam pagota chaskikun.

Proverbios 14:21

Runamasinta mana llakipayaq runaqa huchallikunmi, wakchakunata llakipayaqmi ichaqa ancha kusisqa kanqa.

Proverbios 14:31

Wakchata ñakarichiq runaqa unanchaqninpa contranpim hatarichkan, wakchata llakipayaq runam ichaqa unanchaqninta hatunchan.

Proverbios 22:9

Runamasinta llakipayaq runaqa, wakchakunaman mikuykachisqanraykum bendecisqa kanqa.

Proverbios 28:27

Wakchata yanapaykuq runaqa manam wakchayayta reqsinqachu, mana yanapaykuqmi ichaqa ancha ñakasqa kanqa.

Proverbios 28:8

Qollqeta achka mirayniyuqpaq prestaspa qori-qollqeta huñuq runaqa, wakchakunata llakipayaq runapaqmi huñun.

Eclesiastés 11:1

Tantaykita yakuman wischuykuy, punchawkuna pasaruptinmi huktawan tarirunki.

Eclesiastés 11:2

Qanchisman otaq pusaqman kapuqnikikunata aypuy, manam yachankichu ima sasachakuymi llaqtaman hamunantapas.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Lucas 6:38

Runamasikichikman qospaykichikqa, tupuman hinam llimpay-llimpayta hinaspa huntay-huntayta chaskikunkichik. Imaynam runamasikichikwan ruwasqaykichikta hinallam qamkunawanpas Dios ruwanqa, nispa.

Deuteronomio 24:19

Kawsaynikikunata rutuspa hukkaqnin gavillata chakrapi qonqaruspaqa amañam hoqariqqa kutinkiñachu. Chaytaqa huklaw llaqtayuqkunapaqwan mana tayta-mamayuqkunapaq chaynataq viudakunapaqmi saqenki. Chaynapim Señornikichik Tayta Dios tukuy ruwasqaykipi bendecisunki.

Filipenses 4:17

Chaynata nispayqa manam chaskiruyllatachu munachkani, aswanqa munachkani yanapawasqaykichikmanta qamkunamanpas Diosqa chaninninpi kutichipusunaykichiktam.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.