Proverbios 19:1 - CHUYA QELLQA La Biblia en Quechua de Ayacucho 2012

¹ Wakcha kaspapas allin sonqoyuq kaymi aswan allinqa, mana yachayniyuq kaspa yanqamanta tumpakuq kanamantaqa.

Quechua Ayacucho Bible 1987

¹ Tikranpa rimaq sonso runamantaqa wakcha kaspapas mana culpayoq kawsakuymi aswan allinqa.

Chuya Qellqa 1992

¹ Wakcha kaspapas allin sonqoyuq kaymi aswan allinqa mana yachayniyuq kaspa yanqamanta tumpakuq kanamantaqa.

Proverbios 19:1 Iomraidhean Croise

Proverbios 12:26

Allin ruwaq runaqa runamasintam allin ñanninta pusan, mana allin runakunam ichaqa pantachin.

Proverbios 14:2

Allin kawsakuq runaqa Tayta Diostam kasukun, mana allinta kawsaq runam ichaqa Diostapas qepanchan.

Proverbios 15:16

Wakchalla kaspapas Diosta kasukuymi aswan allinqa, apu kachkaspa sasachakuypi kawsanamantaqa.

Proverbios 16:8

Mana allinkunata ruwaspa apuyaymantaqa mana engañaspa asllatapas ganakuymi aswan allinqa.

Proverbios 19:22

Runamantaqa suyanchik hapipakunapaq hina kanantam, llulla runamantaqa wakcha runam aswan allinqa.

Proverbios 20:7

Allin ruwaq runaqa allin kawsakuypim purin, churinkunapas pay hina kawsaspankuqa ancha kusisqam kanqaku.

Proverbios 28:6

Huchallapi kawsaq apumantaqa, wakcha kaspapas allin kawsakuyniyuq kaymi aswan allinqa.

Proverbios 4:24

Simikimanta mana allin rimaykunata wischuy, simikimanta llullakuyta wischuy.

Isaías 59:3

Qamkunaqa runa wañuchiqmi kankichik, millakuypaq mana allinkuna ruwaqmi kankichik, simikichikmantapas llullakuywan mana allinkunallam lloqsimun.

Mateo 16:26

¿Imatataq runa hurqokunman kay pachapi kaqkunata ganaruspan vidantañataq pierderuspan? ¿Haykatataq runa paganman vidanta salvananpaq?

1~Samuel 25:17

Ichaqa rumi sonqo qosaykim mana pipa rimapayaykunan. Chaynaqa, mamalláy, qamyá tantearispa imallatapas ruway, mana chayqa ima mana allintapas Davidqa ruwanmanmi, Nabalta chaynataq ayllunkunatapas, nispa.

1~Samuel 25:25

¡Taytalláy, ama chay rumi sonqo Nabalpa rimasqantaqa kasuychu! Paytaqa sutinpas rikchayninpas reqsinmi. Payqa mana yuyayniyuq llutan runam. Kay serviqnikiqa manam kacha-musqayki runaykikunataqa rikurqa-nichu.