Proverbios 18:5 - CHUYA QELLQA La Biblia en Quechua de Ayacucho 2012

⁵ Manam allinchu mana allin ruwaqman sayapakuspa mana huchayuqta sentenciaruyqa.

Quechua Ayacucho Bible 1987

⁵ Manam valenchu mana allin ruraqman pipas sayapakuyninqa. Manataqmi valenchu allin ruraqpa asuntonta mana allinta arreglaptinqa.

Chuya Qellqa 1992

⁵ Manam allinchu mana allin ruwaqman sayapakuspa mana huchayuqta sentenciaruyqa.

Proverbios 18:5 Iomraidhean Croise

Jobwan Sutichasqa Libro 34:19

Payqa kamachikuqkunamanpas manam sayapakunchu, wakchatapas manam desprecianchu, apumanpas manam sayapakunchu; lliw runakunaqa paypa unanchasqallanmi kanku.

Éxodo 23:2

Mana allin ruwaqkunataqa achkallaña kaptinkupas amam qatinkichu; testigo kaspaykipas ama pimanpas sayapakuspam cheqap kaqllata rimanki, llulla rimaqmanqa achkallaña kaptinkupas amam sayapakunkichu;

Éxodo 23:3

wakchaña kaptinpas amam sayapakunkichu.

Éxodo 23:6

Wakcha runa quejapi kaptinqa allin arreglotam ruwaykunki.

Proverbios 17:15

Mana allin runata mana huchayuqpaq hapispa inocente runatañataq huchayuqpaq hapiqtaqa Diosmi anchata cheqnin.

Proverbios 17:26

Mana huchayuq runata sentenciayqa manam allinchu, allin kawsakuq runata azoteypas manam allinchu.

Proverbios 24:23

Kaykunapas yachayniyuqkunapa rimarisqankunam: Juzgadopi hukkaqllanman sayapakuruyqa manam allinchu.

Proverbios 28:21

Hukkaq runallaman sayapakuruyqa manam allinchu, runaqa parten tantaraykullapas sayapakunmi.

Proverbios 31:5

yanqañataqmi kamachikuyta qonqaruspa wakchakunapa derechonta qewirunmanku.

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Isaías 59:14

Mana pimanpas sayapakuspa allin arreglo ruwaymi karunchakurun, allin ruwaymi chinkarun, plazakunapipas cheqap kaqtaqa manam rimankuñachu, cheqap rimaq runapas manam kanñachu.

Levítico 19:15

Juez kaspaykiqa allinllatam arreglanki, wakchamanpas nitaq apumanpas amam sayapakunkichu, runamasikipa quejantaqa allintam arreglanki.

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.