Proverbios 18:24 - CHUYA QELLQA La Biblia en Quechua de Ayacucho 2012

²⁴ Kanmi sasachakuyman pusakuq amigokuna, kantaqmi wawqemantapas aswan hapipakunapaq hina amigokunapas.

Quechua Ayacucho Bible 1987

²⁴ Kanmi runapa amigon tukuq runakuna. Kantaqmi wawqemantapas aswan confiakunaraq amigokuna.

Chuya Qellqa 1992

²⁴ Kanmi sasachakuyman pusakuq amigokuna, kantaqmi wawqenmantapas aswan hapipakunapaq hina amigokunapas.

Proverbios 18:24 Iomraidhean Croise

2~Samuel 1:26

Wawqelláy Jonatán, qanmantam llakisqa kachkani, wawqentin hinam llumpayta kuyanakurqanchik, warmikunapa kuyakuyninmantapas mastam kuyawarqanki.

2~Samuel 15:21

Chaymi rey Davidta Itai nirqa: Kawsaq Tayta Diosraykum hinaspa qam reyniyraykum jurani: “Wañunay otaq kawsanay kaptinpas maymi kasqaykipim ñoqapas kasaq”, nispa.

2~Samuel 16:17

Hinaptinmi Husaita Absalón nirqa: ¿Kaynatachu kuyakuyninmanta David-man kutichinki? ¿Imanasqataq mana paywanchu rirqanki? nispa.

2~Samuel 21:7

Saulpa willkan Mefi-bosettam ichaqa mana qorqachu, Mefi-bosetpa taytan Jonatanwan Tayta Diospa qayllanpi juramentota ruwanakusqanrayku.

Proverbios 17:17

Cheqap amigoqa tukuy tiempom kuyakun, sasachakuy tiempopipas cheqap wawqen hinam.

Proverbios 27:10

Amigoykitawan taytaykipa amigontaqa amayá saqeychu. Sasachakuy chayamusuptikiqa amayá wawqekipa wasinmanqa kallpaychu, karupi yachaq wawqekimantaqa vecinoykim aswan allinqa.

Proverbios 27:9

Perfumewan miski asnaq aceiteqa sonqotam kusichin, amigopa consejakuyninqa runatam kusichin.

1~Samuel 18:1

Davidwan Saúl rimayta tukuruptinmi, Davidwan Jonatán amistadta armarurqaku, hinaspam kikinta hina kuyarqa.

1~Samuel 18:3

Jona-tanwan Davidñataqmi contratota ruwar-qaku juramentomanta wiñaypaq amigo kanankupaq.