Proverbios 17:3 - CHUYA QELLQA La Biblia en Quechua de Ayacucho 2012

³ Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Quechua Ayacucho Bible 1987

³ Qollqetawan qoritaqa ninawan chulluchispam yachana allin kasqanta. Chaynatam Tayta Diospas prueban runapa sonqonta.

Chuya Qellqa 1992

³ Crisolpim qollqetaqa chulluchinku, hornopim qoritaqa chulluchinku, Diosñataqmi runapa sonqonta chuyanchan.

Proverbios 17:3 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Jobwan Sutichasqa Libro 23:10

Payqa imayna kawsasqaytapas yachanmi, pruebaykuwaptinqa chuyay-chuyay qori hinam lloqsisaq.

Jobwan Sutichasqa Libro 28:1

Qollqeta hurqonapaqqa kanmi minakuna, qorita chuyanchanapaqqa kanmi sitiokuna.

Proverbios 15:11

Wañuywan wañusqakunapa kasqanpas Tayta Diospa qayllanpim kachkan, aswanraqmi runakunapa imaynam kawsasqanqa paypa rikusqallan kachkan.

Proverbios 16:2

Runapaqqa imaña ruwasqanpas allinpaqmi rikchakapun, chaywanpas Tayta Diosmi runapa imam tanteasqanta juzganqa.

Proverbios 17:2

Taytanta penqayman churaq warmapiqa yachayniyuq criadonmi munaychakunqa, chay warmapa wawqenkunawan kuskam herenciatapas chaskinqa.

Proverbios 21:2

Runapaqqa imaña ruwasqanpas allinpaqmi rikchakapun, ichaqa Tayta Diosmi runapa ruwasqankunata juzganqa.

Proverbios 27:21

Qoritawan qollqetaqa ninapi chulluchispam imaynam kasqanta yachanku, chaynam runapas alabasqa kasqanpi imaynam kasqanta qawachikun.

Isaías 48:10

Ñoqam qamtaqa chuyancharqayki, ichaqa manam qollqeta chulluchichkaq hinachu, aswanqa ñakariy hornopim chuyancharqayki.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Ezequiel 22:18

Runapa churin, Israel runakunaqa mana imapaqpas valeqmi rikurirunku; hornopi cobreta, estañota, fierrota, titita hinaspa qollqeta chulluchiptinku wichiruq qachan hinam rikurirunku.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Deuteronomio 8:16

Chunniqpim “maná” sutiyuq mikuyta mikuchisurqankichik, ñawpaq taytanchikkunapapas mana reqsisqan mikuyta. Chaykunatam uchuychasunaykichikpaq hinaspa pruebasunaykichikpaq ruwarqa, chaynapi chay pruebakuna tukusqa kaptin allinnikichikpaqña kananpaq.

Deuteronomio 8:2

Tukuy chunniq ñankunapi tawa chunka wata purisqaykichiktam yuyarinkichik. Señornikichik Tayta Diosmi uchuychasunaykichikpaq chaynata pusamusurqankichik, chaynapi pruebasuspaykichik imam sonqoykichikpi kasqanta yachananpaq chaynataq kamachikuyninkunatapas kasukusqaykichikta otaq mana kasukunaykichiktapas yachananpaq.

1~Pedro 1:7

Qoripa allin kas-qantapas otaq mana allin kasqantapas yachanapaqqa ninapim chulluchinku, chaynam iñiynikichikpas pruebasqa kanqa. Tukuruqlla qorimantapas chay iñiynikichikmi aswanqa valen. Jesucristo rikurimuptinmi chay iñiynikichikqa alabasqa, qapaqchasqa hinaspa hatunchasqa kanqa.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.