Proverbios 17:23 - CHUYA QELLQA La Biblia en Quechua de Ayacucho 2012

²³ Mana allin ruwaq runaqa allin arreglota qewinanpaqmi pakasqallapi sobornachikun.

Quechua Ayacucho Bible 1987

²³ Mana allin ruraq runaqa pakasqallapim regalota chaskikuchkan. Allin arreglo mana rurasqa kananpaqmi chaynata rurachkan.

Chuya Qellqa 1992

²³ Mana allin ruwaq runaqa allin arreglota qewinanpaqmi pakasqallapi sayniyachikun.

Proverbios 17:23 Iomraidhean Croise

Éxodo 23:8

Amam sobornotaqa chaskikunkichu, sobornotaqa allin ruwaqkunatapas pantachinmi, allin ruwaq runakunapa cheqap rimasqantapas qewirunmi.

Proverbios 17:8

Sobornoman amañasqa runapaqqa soborno chaskiypas hampi hinaraqmi, chayna runaqa mayman risqanpipas allinraqmi lloqsin.

Proverbios 18:16

Regalowanqa ima punkupas kichakuykunmi, munayniyuq runakunapa qayllanmanpas chayachikunmi.

Proverbios 21:14

Pakasqallapi qosqa regaloqa piñakuytapas tanichinmi, pakasqallapi qosqa regaloqa llumpay rabiakuytapas tanichinmi.

Eclesiastés 7:7

Yachayniyuq runa pitapas ñakarichispanqa mana yachayniyuq hinam ruwachkan, sobornota chaskiq runaqa sonqontam mana allinman tikrachkan.

Isaías 1:23

Kamachiqnikikunapas pasaypaq mana kasukuqkunam, suwakunamanpas sayapakuqkunam. Llapallankum qollqewan rantichikunku, imapas chaskiruyllatam paykunaqa maskanku. Mana piniyuqkunatapas manam nanachikunkuchu, viudakunapa quejantapas manam allichankuchu.

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Ezequiel 22:12

Runamasinkuta wañuchinankupaqmi qollqeta chaskikunku. Qollqetapas mirayniyuqllapaqmi prestanku; runamasinkutam ñakarichinku; tukuy chaykunata ruwaspankum qonqaruwanku. Ñoqa Tayta Diosmi chaynata nini.

Ezequiel 22:27

Kamachiqninkunapas imapas hapis-qankuta tisaparuq atoqkuna hinañam rikurirunku, paykunaqa chayllam kachkanku runakunata wañuchispa tukuy imankuta hapikuykunankupaq.

Miqueas 3:11

Kamachiqninkunapas pagollapaqmi kamachikunku, sacerdotenkunapas qollqellapaqmi yachachikunku, profetakunapas qollqellapaqmi profetizanku, Tayta Diosman hapipakuq tukuspankum kaynata ninku: Diosmi ñoqanchikwan kachkan, manam ima sasachakuypas chayamuwasunchu, nispanku.

Miqueas 3:9

Jacobpa mirayninpi munaychakuqkuna, Israelpa miraynimpi kamachikuqkunata, kayta uyariychik. Qamkunam allin ruwayta millakunkichik, allin arreglo ruwaytañataqmi qewirunkichik.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.