Proverbios 17:21 - CHUYA QELLQA La Biblia en Quechua de Ayacucho 2012

²¹ Mana yachayniyuq warmapa taytan kayqa llakikuytam apamun, mana yachayniyuqpa taytanqa manam kusikuyta tarinchu.

Quechua Ayacucho Bible 1987

²¹ Sonso runapa taytanqa llakisqallam kachkan. Rumi sonqo runapa taytanqa mana kusikuyniyoqmi kachkan.

Chuya Qellqa 1992

²¹ Mana yachayniyuq warmapa taytan kayqa llakikuytam apamun, mana yachayniyuqpa taytanqa manam kusikuyta tarinchu.

Proverbios 17:21 Iomraidhean Croise

Génesis 26:34

Esaumi tawa chunka watayuq kachkaspan Het casta warmikunawan casarakururqa. Paykunam karqaku Beeripa churin Juditwan Elonpa churin Basemat.

2~Samuel 18:33

Chaymi rey hukmanyaruspan punkupa altonpi cuartoman waqastin seqarqa. Waqastin rispanmi nirqa: ¡Churilláy Absalón, churilláy, Absalón! ¡Qampa rantikipi ñoqa wañuyman karqa! ¡Kuyasqay churilláy Absalón! nispa.

Proverbios 10:1

Kaykunam Salomonpa rimarisqan yachachikuykuna: Yachayniyuq warmaqa taytantam kusichin, mana yachayniyuqñataqmi mamanta llakichin.

Proverbios 15:20

Yachayniyuq warmaqa taytantam kusichin, mana yachayniyuq warmam ichaqa mamanmantapas penqakun.

Proverbios 17:25

Mana yachayniyuq warmaqa taytantam piñachin mamantañataqmi rabiachin.

Proverbios 19:13

Mana yachayniyuq warmaqa taytantam llakichin, piñanakuyllata kuyaq warmiñataqmi parapi sutuq wasi hina.

2~Corintios 2:3

Chayraykum qellqamurqaykichik chayamuptiy kusichiwanaykichikpaq manam llakichiwanaykichikpaqchu. Piensarqanim ñoqa kusisqa kaptiyqa llapallaykichik kusisqa kanaykichikta.

3~Juan 1:4

Ñoqaqa iñiypi churiykuna cheqap kaqpi purisqanta uyarisqaywanmi tukuy imamantapas astawanqa kusikuni.

1~Samuel 8:3

Ichaqa manam taytanku Samuel hinachu allinta ruwarqaku, aswanqa apuyayta kuyaruspankum sobornota chaskikuqku, ima sasachakuytapas mana kaqninpim allichaqku.