Proverbios 17:15 - CHUYA QELLQA La Biblia en Quechua de Ayacucho 2012

¹⁵ Mana allin runata mana huchayuqpaq hapispa inocente runatañataq huchayuqpaq hapiqtaqa Diosmi anchata cheqnin.

Quechua Ayacucho Bible 1987

¹⁵ Mana allin runata allin runapaq pipapas chaskisqantaqa Tayta Diosqa millakunmi. Allin runata mana allin runapaq pipapas chaskisqantaqa Tayta Diosqa millakunmi.

Chuya Qellqa 1992

¹⁵ Mana allin runata mana huchayuqpaq hapispa inocente runatañataq huchayuqpaq hapiqtaqa Diosmi anchata cheqnin.

Proverbios 17:15 Iomraidhean Croise

1~Reyes 21:13

Chaymantam iskay mana allin runakuna hamuruspanku Nabotpa chimpanpi tiyaykurqaku, paykunam llullakuspanku runakunapa qayllanpi Nabotpa contranpi nirqaku: Nabotmi Diostawan reyta insultarun, nispanku. Chaymi llaqtamanta hawaman pusa-ruspanku rumiwan choqapaspa wañurachirqaku.

Éxodo 23:7

Llullakuspa yanqamanta tumpakuqmanqa amam hukllawakunkichu, amataqmi mana huchayuq runataqa wañuyman sentenciankichu. Huchayuqtaqa castigasaqpunim.

Proverbios 11:1

Tayta Diosqa millakunmi suwakuq balanzataqa, cabal pesaqtam ichaqa allinpaq qawan.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 17:26

Mana huchayuq runata sentenciayqa manam allinchu, allin kawsakuq runata azoteypas manam allinchu.

Proverbios 18:5

Manam allinchu mana allin ruwaqman sayapakuspa mana huchayuqta sentenciaruyqa.

Proverbios 31:5

yanqañataqmi kamachikuyta qonqaruspa wakchakunapa derechonta qewirunmanku.

Proverbios 6:16

Soqta huchakunatam Tayta Dios cheqnin, qanchis kaqtañataqmi pasaypaqta millakun:

Isaías 5:20

¡Ay, imaynaraq kanqaku! Mana allinta allinmi niqkuna, allintañataq mana allinmi niqkuna, achkiyta tutaman tikraqkuna, tutayaytañataq achkiyman tikraqkuna, qatqetapas miskim niqkuna, miskitañataq qatqem niqkuna.

Isaías 5:23

Qamkunaqa qollqeta chaskikuykuspam mana allin ruwaq runata mana huchayuqta hina kachaykunkichik, inocente runamantañataqmi mana imapas qokusunkichikchu.

Lamentaciones 3:35

Tukuy imapa hawanpi Diospa qayllanpi runamasinpa derechon qewiruqtaqa,

Ezequiel 13:19

Qamkunam huk aptay cebadallapaq hinaspa parten tantallapaq llaqtaypa qayllanpi sutiyta penqayman churankichik; wañunanpaq kaqkunatam “manam wañunkichu” ninkichik, kawsananpaq kaqkunatañataqmi “wañunkipunim” ninkichik. Chaynatam llaqtayta engañankichik, llaqtayñataqmi llullakusqaykichikta uyarin.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 5:7

¡Ay, imaynaraq kanqaku! Cheqap kaqta ñakariyman tikraqkuna, allin kawsakuyta saruruspa yanqachaqkuna.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Romanos 4:5

Sichum pipas mana llamkachkaspalla Diosman iñikuptinqa mana huchayuqpaqñam chaskin. Iñiptillankum huchasapakunatapas Diosqa mana huchayuqtaña ruwan.

Deuteronomio 25:1

Sichum pipas quejanakuypi kaspaqa juezmanmi rinqaku. Juezkunañataqmi allinta qatipaykuspanku huchayuq kaqta sentencianqaku.

Santiago 5:6

Qamkunam mana huchayuq runakunata acusaspaykichik mana harkakuy atichkaqta wañuchirqankichik.