Proverbios 17:13 - CHUYA QELLQA La Biblia en Quechua de Ayacucho 2012

¹³ Allin ruwaqninta mana allinwan kutichipuqpa wasinmantaqa, sasachakuypas manam asurinqachu.

Quechua Ayacucho Bible 1987

¹³ Pipas runamasinta allin rurasqanmanta mana allinwan pagaptinqa manam asurinqachu mana allinpas wasinmantaqa.

Chuya Qellqa 1992

¹³ Allin ruwaqninta mana allinwan kutichipuqpa wasinmantaqa, sasachakuypas manam asurinqachu.

Proverbios 17:13 Iomraidhean Croise

2~Samuel 12:10

Ñoqata qepanchawaspayki Het casta Uriaspa warminta warmikipaq hapikuykusqaykiraykum miraynikikunamanta espadapi wañuqkuna mana faltanqachu.

1~Reyes 21:22

Israel nacionta huchallichispa piñachiwasqaykiraykum, Nabatpa churin Jeroboampa mirayninkunatawan Ahiaspa churin Baasapa mirayninkunata hina qampa miraynikikunatapas chinkachisaq”.

Proverbios 13:21

Sasachakuyqa huchasapakunatam qatikachan, allin ruwaq runakunam ichaqa allin kaqkunawan premiasqa kanqa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Mateo 27:5

Chaymi Judasñataq qollqeta templopi chamqarurqa, hinaspanmi chaymanta pasaspan warkukaramurqa.

Romanos 12:17

Mana allin ruwasuqnikichiktaqa ama chayna mana allinwanqa kutichikuychikchu. Llapa runakunapa qayllanpiqa allin kaqta ruwaychik.

1~Tesalonicenses 5:15

Amayá pipas mana allin ruwaqnintaqa mana allinwanqa kutichikuchunchu, qamkunapuraqa tukuy tiempoyá allin kaqkunata ruwaychik, chaynatayá llapallanwanpas ruwaychik.

1~Pedro 3:9

Mana allinmantaqa amayá mana allinwanqa kutichiychu, kamisuqnikichiktapas amayá kamiychikchu, aswanqa bendicionwanyá kutichiychik. Diosqa bendicionta chaskinaykichikpaqmi qayasurqankichik.

1~Samuel 19:4

Chaynapim Davidpa allinninpi rimaspan Jonatán taytanta nirqa: Reynilláy, amayá ima mana allintapas serviqniki Davidpa contranpiqa ruwaychu. Payqa manam ima mana allintapas ruwasurqankichu aswanqa allinllatam.

1~Samuel 24:17

Hinaspanmi Davidta nirqa: Ñoqamantaqa qamqa allin ruwaqmi kanki. Qampaq mana allinta munach-kaptiypas allinwanmi kutirachiwanki.

1~Samuel 25:21

Davidmi kaynata yuyaymanachkarqa: Chay runapataqa yanqapaqmi tukuy imantapas hunniqpi nanachikurqani, manam paypaqqa imallanpas chinkar-qachu, aswanraqmi allinninta ruwach-kaptiypas payqa mana allinwan kutirachiwan, nispa.