Proverbios 17:11 - CHUYA QELLQA La Biblia en Quechua de Ayacucho 2012

¹¹ Mana kasukuq runaqa peleollatam maskan, ichaqa huk punchawmi mana llakipayakuq runawan tuparunqa.

Quechua Ayacucho Bible 1987

¹¹ Mana kasukuq runam maskan mana allinllata, chayraykum payman kachanqaku mana llakipayaqnin runata.

Chuya Qellqa 1992

¹¹ Mana kasukuq runaqa peleollatam maskan, ichaqa huk punchawmi mana llakipayakuq runawan tuparunqa.

Proverbios 17:11 Iomraidhean Croise

2~Samuel 15:12

Sacrificiota Diosman ofrecechkaspanmi Absalonqa qayachimurqa Davidpa consejaqnin Gilo llaqtapi yachaq Ahitofelta. Chaynapim reypa contranpi kaqkuna astawan miraspanku Absalonta qatirqaku.

2~Samuel 18:15

Joabpa arman apaq chunka jovenkunapas Absalonpa muyuriqninpi churakuykuspankum wañupaykachirqaku.

2~Samuel 18:19

Sadocpa churin Ahimaasmi Joabta nirqa: Ama hina kaspa kachaykuway reyman kallpaspay, imaynam enemigonmanta Tayta Dios libraykusqanta willamunaypaq, nispa.

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

2~Samuel 20:22

Chaymantam yuyaysapa kayninman hina chay warmi rirqa llapa runakunawan rimaq. Hinaptinmi paykuna Bicripa churin Sebapa umanta qoruruspanku Joabman wischuykamurqaku. Chaymi cornetata Joab tocachiptin, llapa runakuna llaqtamanta anchurikuspanku wasinkuman sapakama ripukurqaku. Joabñataqmi Jerusalén llaqtaman kutikurqa reywan kananpaq.

1~Reyes 2:31

Chaymi rey Salomón nirqa: Munasqanman hina ruwaspaykiyá wañuchispayki pamparamuy, chaynapim ñoqamantawan taytaypa mirayninkunamanta mana huchayuq runakunata Joabpa wañuchisqan huchata chinkachinki.

1~Reyes 2:46

Hinaspanmi Joiadapa churin Benaiata kamachirqa Simeita wañuchimunanpaq, chaymi rispan Simeita wañurachimurqa. Chaynatam Salomonqa allinta munaychakurqa.

Proverbios 17:10

Yachayniyuq runaqa qaqchaykusqam yuyayta hapin, mana yachayniyuq runam ichaqa pachak kutikama azotesqapas mana uyarikuq.

Proverbios 17:12

Wawankunata suwarachikuq ukumariwan tuparuymi aswan allinqa, tanteasqallanpi hapipakuq mana yachayniyuq runawan tuparuymantaqa.

Proverbios 24:21

Churilláy, Tayta Diosta hatunchay, reytapas kasukuytaq; mana kasukuqkunawanqa ama hukllawakuychu.

Mateo 21:41

Uyariqninkunañataqmi nirqaku: Chay mana allin runakunataqa mana llakipayaspam wañurachinqa, hinaspam chakrantapas huk llamkaqkunamanña arriendakunqa chaynapi tiempollanpi payman tupaqnin cosechata qonankupaq, nispanku.

Mateo 22:7

Chayta uyariruspanmi reyqa llum-payta piñakururqa, hinaspam solda-donkunata kamachirqa chay wañu-chiqkunata wañuchimunankupaq chay-nataq llaqtankutapas kañamunanku-paq.

Lucas 19:27

Rey kanaypaq mana munaq enemigoykunatapas pusamuspaykichik qayllaypi wañuchiychik”, nispa.