Proverbios 16:9 - CHUYA QELLQA La Biblia en Quechua de Ayacucho 2012

⁹ Runaqa sonqonpim imaynam kawsananta tantean, ichaqa Tayta Diosmi purinan ñantaqa allichan.

Quechua Ayacucho Bible 1987

⁹ Runam tantean mayninmi puriyta ichaqa Tayta Diosmi pusan mayninmi rinanta.

Chuya Qellqa 1992

⁹ Runaqa sonqonpim imaynam kawsananta tantean ichaqa Tayta Diosmi purinan ñantaqa allichan.

Proverbios 16:9 Iomraidhean Croise

2~Crónicas 22:7

Diosmi munarqa rey Joramta watu-kusqanpi rey Ocozías wañunanta. Chaymi Ocoziasqa chayaruspallan Joramwan kuska Nimsipa churin Jehupa contranpi peleaq lloqsirqa. Jehutam Tayta Dios akllarqa Acabpa ayllunkunata chinkachinanpaq.

Proverbios 16:1

Runaqa tukuy imatapas tanteanmanmi, ichaqa Tayta Dios munaptinmi ruwasqa kanqa otaq manapas.

Proverbios 16:8

Mana allinkunata ruwaspa apuyaymantaqa mana engañaspa asllatapas ganakuymi aswan allinqa.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Proverbios 20:24

Runataqa Tayta Diosllam maymanpas pusan, manam pipas yachakunchu imayna tukuruytapas.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Proverbios 21:30

Diospa qayllanpiqa yachaypas, yachayniyuq kaypas, allin tanteoyuq kaypas mana serviqmi.

Isaías 46:10

Ñawpaqmantaraqmi manaraq imapas pasakuchkaptin, hamuq punchawkunapi imakunam pasakunanmanta willakuni. Ñoqam nini: Tanteasqaykunaqa takyanqam, tukuy munasqaykunatam ruwasaq, nispa.

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

1~Samuel 9:16

Paqarin kay horata hinam, Benjamín ayllumanta huk runata kachamusqayki, paytam aceitewan tallispa sapaqchanki Israel runaykunapa reynin kananpaq, paymi filisteokunamanta libranqa. Israel llaqtaypa ñakarisqantam qawani, chaymi mañakuyninku qayllayman chayaramun, nispa.