Proverbios 16:6 - CHUYA QELLQA La Biblia en Quechua de Ayacucho 2012

⁶ Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Quechua Ayacucho Bible 1987

⁶ Cheqap kuyapayakuq kasqanraykum Tayta Diosqa runata huchanmanta pampachaykun. Tayta Diosta respetaspam runaqa mana allinmanta karunchakun.

Chuya Qellqa 1992

⁶ Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 16:6 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Nehemías 5:15

Ñoqamanta punta kaq gobernadorkunam ichaqa, mana allin kamachikuqkuna kaspanku, mikunankupaqwan vino tomanankupaq sapa punchaw yaqa parte kilo qollqeta cobrarqaku; paykunapa yanapaqninkunapas llaqtatam ñakarichirqaku. Ñoqam ichaqa Diosta manchakusqayrayku mana chaynatachu ruwarqani.

Nehemías 5:9

kaynata nirqani: Manam allinchu chay ruwasqaykichikqa. Qamkunaqa Diosninchiktayá respetaychik, chaynapi enemigonchik nacionkuna ama burlakuwananchikpaq.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Éxodo 1:17

Chay parterakunam ichaqa Diosta manchakusqankurayku, Egipto nacionpi reypa kamachisqanta mana kasukuspanku qari wawakunata mana wañuchirqakuchu.

Éxodo 20:20

Chaymi Moisés nirqa: Ama manchakuychikchu. Diosqa pruebasunaykichikpaqmi hamurqa, chaynapi payta respetaspaykichik mana huchallikunaykichikpaq, nispa.

Proverbios 14:16

Yachayniyuq runaqa manchakuspam mana allinmanta ayqekun, mana yachayniyuq runam ichaqa hatun tukuspa kikillanpi hapipakun.

Proverbios 14:2

Allin kawsakuq runaqa Tayta Diostam kasukun, mana allinta kawsaq runam ichaqa Diostapas qepanchan.

Proverbios 14:27

Tayta Diosta manchakuyqa kawsakuypa qallariyninmi, wañuymantam runata lluptichin.

Proverbios 16:5

Tayta Diosqa millakunmi hatun tukuq runataqa, chayna runaqa haykapipas castigasqapunim kanqa.

Proverbios 20:28

Reytaqa waqaychan cheqap kaywan kuyapayakuymi, llakipayakuyñataqmi trononta takyachin.

Proverbios 3:3

Kuyapayakuytawan cheqap kaqtaqa amayá haykapipas saqeruychu, collarta hinayá wallqakuruy, tablapi hinayá sonqoykipi qellqaruy,

Proverbios 3:7

Amayá yachayniyuqpaqqa hapikuruychu, aswanqa Tayta Diosta kasukuspa mana allinmanta suchurikuy,

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Daniel 4:24

Chaynaqa reynilláy, musqokusqaykipa imam ninanqa kaymi: Tukuy imapa hawanpi Diosmi contraykipi decretaspa sentenciarun.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Levítico 25:17

Amam runamasikitaqa engañankichu, aswanqa Diosnikichiktam kasukunkichik. Ñoqa Tayta Diosmi Diosnikichik kani.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Hechos 15:9

Diosqa manam ñoqanchikmanpas nitaq paykunamanpas sayapakunchu, aswanqa iñikuptinkum sonqonkuta chuyanchaykun.

2~Corintios 7:1

Kuyasqay wawqe-panillaykuna, chayna promesakuna kachkaptinqa aychanchikpi hinaspa espiritunchikpi tukuy mana allinmantayá chuyanchakusun, Diosta kasukuspayá aswan-aswan payllapaqña sapaqchakusun.

Efesios 5:21

Diosta manchakuspaqa kasuna-kuychikyá.

Deuteronomio 30:13

nitaqmi lamar qochapa waklaw chimpanpichu kachkan: “¿Pitaq chimparuspan aparamunman hinaspa ruwayman churananchikpaq yachachiwachwan?” ninaykichikpaqqa;

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.