Proverbios 16:5 - CHUYA QELLQA La Biblia en Quechua de Ayacucho 2012

⁵ Tayta Diosqa millakunmi hatun tukuq runataqa, chayna runaqa haykapipas castigasqapunim kanqa.

Quechua Ayacucho Bible 1987

⁵ Llapa orgulloso runakunaqa Tayta Diospa millakusqanmi kachkanku. Cheqaptapunim paykunaqa castigasqa kanqaku.

Chuya Qellqa 1992

⁵ Tayta Diosqa millakunmi hatun tukuq runataqa, chayna runaqa haykapipas castigasqapunim kanqa.

Proverbios 16:5 Iomraidhean Croise

Jobwan Sutichasqa Libro 40:12

Mana kasukuqkunatayá qawarispa uchuychay, mana allin runakunatayá maypi kaptinkupas chinkachiy.

Éxodo 20:7

Ñoqa Tayta Diospa sutiytaqa amam yanqaqa rimankichu. Sutiyta yanqa rimaqtaqa castigasaqpunim.

Proverbios 11:21

Mana allin runaqa castigasqapunim kanqa, allin kawsakuqmi ichaqa librasqa kanqa.

Proverbios 16:4

Tayta Diosqa munasqanman hinam imakunatapas ruwarqa, mana allin ruwaq runatapas mana allin punchawpaqmi ruwarqa.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 6:29

Runamasinpa warminwan puñuruq runaqa, cheqaptapunim castigasqa kanqa.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Isaías 2:11

Hatun tukuq runakunapas uchuychasqam kanqaku, hatunchakuqkunapas kumuykachisqam kanqaku. Chay tiempopiqa Tayta Diosllañam hatunchasqa kanqa.

Isaías 2:12

Tukuy Atiyniyuq Tayta Diospa punchawninmi hamuchkan, hatun tukuqkunata uchuychananpaq, hatunchakuqkunata tuñichinanpaq;

Isaías 3:11

¡Imaynaraq kanqaku mana allin ruwaqkuna! Mana allin ruwasqankunaman hinam Dios pagapunqa.

Jeremías 13:15

Israelpa mirayninkuna ama hatun tukuychikchu, Tayta Diosmi rimarin, sumaqta uyariychik.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.