Proverbios 16:22 - CHUYA QELLQA La Biblia en Quechua de Ayacucho 2012

²² Allin tanteakuyqa hatalliqninpaqmi kawsachikuq yaku; mana yachayniyuqta yachachiyqa, mana yuyayniyuqpa ruwayninmi.

Quechua Ayacucho Bible 1987

²² Kawsachikuq yaku hinam yachayniyoq runapaq yachayniyoq kayninqa. Mana tanteoyoq runata corregiyqa mana kaqllam kanqa.

Chuya Qellqa 1992

²² Allin tanteakuyqa hatalliqninpaqmi kawsachikuq yaku; mana yachayniyuqta yachachiyqa, mana yuyayniyuqpa ruwayninmi.

Proverbios 16:22 Iomraidhean Croise

Proverbios 10:11

Allin runapa rimayninqa kawsachikuq yaku hinam, mana allin runapa siminñataqmi wañuchinakuyllata riman.

Proverbios 13:14

Yachayniyuqpa yachachikuyninqa kawsachikuq yaku hinam, wañuypa makinmantapas librakunmi.

Proverbios 14:27

Tayta Diosta manchakuyqa kawsakuypa qallariyninmi, wañuymantam runata lluptichin.

Proverbios 15:2

Yachayniyuq runapa siminmantaqa yachaymi lloqsimun, mana yachayniyuqpa siminmantañataqmi mana allin rimaykunalla lloqsimun.

Proverbios 15:28

Allin ruwaq runaqa manaraq rimachkaspam allinta tanteakun, mana allin runam ichaqa siminpa atipasqanta mana allinllata kacharin.

Proverbios 16:21

Yachayniyuq runataqa “yachayniyuq” nispam sutichanku, miski simi runaqa yachaytam mirachin.

Proverbios 16:23

Allinta tanteakuq runaqa yachaywanmi riman, rimaspanmi yachayta cheqechin.

Proverbios 18:4

Runapa rimayninqa uku-uku yaku hinam, yachayqa pukyumanta kallpaq yaku hinam.

Proverbios 18:7

Mana yachayniyuq runaqa tuñichikunallanpaqmi riman, rimasqallanwanmi waskata kunkanman churakun.

Proverbios 3:22

chaykunam qamta kawsachisunki, kunkaykipi collar hinam adornasunki.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Juan 5:24

Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Juan 6:63

Espiritum kawsay qokuqqa, aychaqa manam imapaqpas valenchu. Kay rimapayasqaykunaqa espiritum hinaspa kawsay qokuqmi.

Juan 6:68

Hinaptinmi Simón Pedroñataq nirqa: Señor, ¿pimantaq risaqku? Qampa rimasqaykiqa wiñay kawsay qokuqmi.