Proverbios 16:20 - CHUYA QELLQA La Biblia en Quechua de Ayacucho 2012

²⁰ Rimapayasqa uyarikuq runaqa allinmi kanqa, Tayta Diosman hapipakuq runaqa mayna kusisqam kanqa.

Quechua Ayacucho Bible 1987

²⁰ Tayta Diospa palabranta kasukuq runaqa tukuy imapim allin kanqa. Tayta Diospi confiakuq runaqa ancha kusisqam kanqa.

Chuya Qellqa 1992

²⁰ Rimapayasqa uyarikuq runaqa allinmi kanqa, Tayta Diosman hapipakuq runaqa mayna kusisqam kanqa.

Proverbios 16:20 Iomraidhean Croise

1~Crónicas 5:20

Paykunam peleachkaspanku Diosta mañakurqaku, chaymi Diosman hapipakusqankurayku yanapaptin, Agarta yanapaqninkunatawan kuskata vencerurqaku.

Proverbios 13:13

Kamachikuyta mana kasukuq runaqa chinkanqam, kamachikuyta kasukuqmi ichaqa pagota chaskikunqa.

Proverbios 13:15

Allinta tantearispa ruwaq runaqa kuyasqam kanqa, iskay uya runam ichaqa chinkayman richkan.

Proverbios 17:2

Taytanta penqayman churaq warmapiqa yachayniyuq criadonmi munaychakunqa, chay warmapa wawqenkunawan kuskam herenciatapas chaskinqa.

Proverbios 19:8

Yachayniyuq runaqa kikintam kuyakun, yachayta waqaychaqqa allin kaqtam tarirun.

Proverbios 8:35

Pipas tariwaqniykunaqa, kawsaytawan Diospa kuyakuynintam haypanqa.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:23

Chaymi reyqa anchallataña kusikuspan kamachikurqa, Danielta leonkunapa uchkunmanta hurqomunankupaq. Hur-qoruspa qawaptinkum mana ima heridallanpas kasqachu, Diosninpi hapipakusqanrayku.

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.