Proverbios 16:1 - CHUYA QELLQA La Biblia en Quechua de Ayacucho 2012

¹ Runaqa tukuy imatapas tanteanmanmi, ichaqa Tayta Dios munaptinmi ruwasqa kanqa otaq manapas.

Quechua Ayacucho Bible 1987

¹ Runaqa sonqonpiqa tantean munasqanman hinam. Ichaqa rimaspaqa-rimanqa Tayta Diospa munasqanman hinam.

Chuya Qellqa 1992

¹ Runaqa tukuy imatapas tanteanmanmi, ichaqa Tayta Dios munaptinmi ruwasqa kanqa otaq manapas.

Proverbios 16:1 Iomraidhean Croise

2~Samuel 7:5

Rispayki serviqniy Davidman kaynata nimuy: ¿Qamchu yachanay wasita ruwapuwanki?

2~Crónicas 18:31

Chaymi carretakunapi kaq capitankuna rey Josafatta rikuruspanku nirqaku: Paymi Israel nacionpa reyninqa, nispanku. Hinaspam muyuriqninman churakuruspa peleanankupaq pasaykuptinku, rey Josafatñataq yanapakuyta mañakuspan qaparirqa, chaymi Tayta Dios yanapaykuspa enemigonkunata paymanta asurachirqa.

Esdras 7:27

Chaymi Esdras kaynata nirqa: Ñawpaq taytanchikkunapa yupay-chasqan Tayta Diosyá hatunchasqa kachun, paymi rey Artajerjesta sonqocharqa Jerusalenpi Tayta Diospa templonta hatunchananpaq.

Nehemías 1:11

Dios Taytalláy ruegakuykim, kay serviqnikipa mañakuynintayá uyariykamullaway, sutikita hatunchay munaq serviqnikikunapa mañakuynintapas uyariykuyá. Kunanmi mañakamullayki ima ruwasqaypipas yanapaykuwanaykipaq, chaynataq reywanpas kuyapayaykachiwanaykipaq, nispa. Chay tiempopiqa reypa coperonmi karqani.

Jobwan Sutichasqa Libro 17:11

Punchawniykunam pasachkan, imam ruway munasqaykunam yanqachakuchkan, sonqoypa munasqankunam chinkachkan.

Éxodo 4:15

Qanmi payta rimapayanki, yachachinkitaqmi imam ninantapas; imam rimanaykichiktawan imam ruwanaykichiktaqa ñoqam yachachisqaykichik.

Proverbios 15:33

Tayta Diosta kasukuyqa yachayta haypaymi, hatunchasqa kayqa uchuychakuywanmi qallarin.

Proverbios 16:9

Runaqa sonqonpim imaynam kawsananta tantean, ichaqa Tayta Diosmi purinan ñantaqa allichan.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Proverbios 20:24

Runataqa Tayta Diosllam maymanpas pusan, manam pipas yachakunchu imayna tukuruytapas.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Jeremías 10:23

Dios Taytalláy, yachanim, runaqa manam kawsayninmantaqa dueñochu, runaqa manam yachakunchu imayna kanantapas.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

Filipenses 2:13

Diosmi munasqanman hina allin munayta hinaspa allin ruwayta qamkunapi hatarichin.