Proverbios 15:9 - CHUYA QELLQA La Biblia en Quechua de Ayacucho 2012

⁹ Tayta Diosqa millakunmi mana allin runapa ñannintaqa allin kawsakuq runatam ichaqa kuyan.

Quechua Ayacucho Bible 1987

⁹ Tayta Diosqa millakunmi mana allin ruraqkunapa kawsasqantaqa ichaqa kuyanmi allin ruray munaqkunataqa.

Chuya Qellqa 1992

⁹ Tayta Diosqa millakunmi mana allin runapa ñannintaqa allin kawsakuq runatam ichaqa kuyan.

Proverbios 15:9 Iomraidhean Croise

Proverbios 15:10

Allin ñanta saqeruq runataqa allinniqtam corregina, corregisqa kayta mana munaq runaqa wañunqapunim.

Proverbios 21:21

Allin kawsakuytawan kuyapayakuq kayta maskaqqa ancha reqsisqa kaytawan allin ruwayta hinaspa kawsakuytam tarinqa.

Proverbios 21:4

Hatun tukuywan, yachayniyuqpaq hapikuruyqa, hinaspa mana allin ruwaypi kawsayqa hucham.

Proverbios 21:8

Mana allin runapa ñanninqa qewi-qewi hinaspa sasallañam, mana pantaspa kawsakuqpa ruwayninmi ichaqa allin.

Proverbios 4:19

Mana allin runakunapa ñanninmi ichaqa tutayay, paykunaqa manam yachankuchu imapim urmaruytapas.

Proverbios 8:13

Tayta Diosta kasukuyqa mana allin ruwayta cheqniymi. Ñoqaqa hatun tukuq runatawan hatunchakuytaqa cheqninim, mana allin kawsaytawan llullalla rimaytaqa cheqninim.

Isaías 26:7

Allin ruwaq runapa ñanninqa mana pantayniyuqmi, qamqa ñannintapas aswanraqmi allichaykunki.

Isaías 51:1

Tayta Diosmi nin: Allin ruwayta munaqkuna, Tayta Diosta maskaqkuna, uyariychik. Mayqan qaqamanta pakimusqa kasqaykichiktayá yuyariychik, mayqan rumimanta hurqomusqa kasqaykichiktayá qawariychik.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Jeremías 44:4

Serviqniy profetakunata kachamuspaymi ñataq-ñataq willachirqaykichik, ñoqapa cheqnisqay chaynataq millakusqay kaqkunata ama ruwanaykichikpaq.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Habacuc 1:13

Qamqa chuyay-chuyaymi kanki mana allin ruwayta qawanaykipaqqa, daño ruwayta qawanaykipaqqa. Chaynaqa, ¿imanasqataq runamasin wañuchiqta qawaylla-qawakunki? ¿Imanasqataq allin ruwaq runata mana allin runa tuñichiptin upallalla qawakunki?

Mateo 7:13

Kichki punkuntayá yaykuychikqa, hatun punkuwan hatun ñanqa chinkaymanmi apakun, chaynintaqa achkallañam richkanku.

Deuteronomio 7:13

Payqa kuyasuspaykichikmi bendecisunkichik hinaspam mirachisunkichik. Bendecinqataqmi wawa-churikichiktapas, allpaykichikpa ruruntapas, trigoykichiktapas, vinoykichiktapas, aceitekichiktapas, vacaykichikpa hinaspa ovejaykichikpa uñankunatapas. Chaynataqa ruwanqa ñawpaq taytaykichikman qonanpaq jurasqan allpapim.

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

2~Timoteo 2:22

Joven kaypa munapayayninkunamanta ayqekuspa allin kaqkunata maskay, allin ruwayta, iñiyta, kuyakuyta hinaspa hawkayayta, haykam chuya sonqonkumanta Señorninchikta qayakuqkunawan kuska.