Proverbios 15:8 - CHUYA QELLQA La Biblia en Quechua de Ayacucho 2012

⁸ Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Quechua Ayacucho Bible 1987

⁸ Mana allin ruraq runakunapa ofrendantaqa Tayta Diosqa millakunmi. Paypa munasqanman hina ruraq runakunapa mañakusqanqa agradonpaqmi.

Chuya Qellqa 1992

⁸ Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Proverbios 15:8 Iomraidhean Croise

2~Samuel 15:12

Sacrificiota Diosman ofrecechkaspanmi Absalonqa qayachimurqa Davidpa consejaqnin Gilo llaqtapi yachaq Ahitofelta. Chaynapim reypa contranpi kaqkuna astawan miraspanku Absalonta qatirqaku.

1~Reyes 3:10

Salomonpa mañakusqantam Tayta Dios chaskiykurqa.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Proverbios 10:24

Mana allin runataqa imapas manchakusqan kaqraqmi pasarun, allin ruwaq runapaqmi ichaqa imam munasqanpas cumplikun.

Proverbios 15:29

Mana allin runamantaqa Tayta Diosqa karupim kachkan, allin ruwaq runapa mañakuynintam ichaqa uyarin.

Proverbios 15:7

Allin yachayniyuq runakunapa siminqa yachaytam tarpun, mana yachayniyuq runakunam ichaqa mana chaynataqa ruwankuchu.

Proverbios 21:27

Mana allin runakunapa ofrendanqa millakuypaqmi, mana allin sonqonwan qosqankurayku.

Proverbios 21:3

Sacrificiokuna qonamantapas aswanqa, allin arreglotawan allin kawsakuytam. Tayta Diosqa munan.

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Eclesiastés 5:1

Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Cantares 2:14

Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 66:3

Ichaqa Torota sacrificapuwaqniymi runatapas wañuchintaq, ovejata kañapuwaqniymi allqotapas nakantaq; kawsaykunata ofrecewaqniymi kuchipa yawarnintapas ofrecentaq; inciensota kañapuwaqniymi idolokunatapas yupaychantaq. Paykunaqa Diospa millakusqanta ruwaspam kusikunku.

Jeremías 6:20

¿Imapaqtaq Sabá nacionmantaraq inciensota apamuwankichik? ¿Imapaqtaq karumantaraq miski asnaq plantakunata apamuwankichik? Lliw kañana sacrificiokunata, tukuy rikchaq ofrendakuna apamuwasqaykichiktapas manañam munanichu.

Daniel 9:23

Mañakuyta qallaykuptillaykiraqmi Diosqa uyariykusurqankiña. Qamqa paypa ancha kuyasqanmi kanki, chayraykum uyarisusqaykita qanman willaykuq hamurqani. Chaynaqa, visionpi qawasqaykita entiendenaykipaqyá allinta uyariway:

Levítico 7:18

Ñoqawan allinlla kasqanmanta ofrenda aychata mincha punchawpi pipas mikuruptinqa, chay ofrendam mana valeq millakuypaqña kanqa, chay aycha mikuruqñataqmi huchayuq kanqa.

Miqueas 6:6

¿Imawantaq Diospa qayllanman asuykusaq? ¿Imawantaq ancha hatun Diosta yupaychasaq? ¿Lliw kañana sacrificiowanchu qayllanman asuykusaq? ¿Huk watayuq torokunawanchu asuykusaq?

Miqueas 6:7

¿Waranqa carnerokunataña otaq chunka waranqa mayukunata hinaña aceiteta qoptiypas, yaqachum Tayta Diosqa kusikunman? ¿Piwi churiytachu mana kasukuq kasqaymanta qoykusaq? ¿Qari churiytachu huchaymanta qoykusaq?

Hageo 2:14

Hinaptinmi Hageo nirqa: Tayta Diosmi qamkunamanta kaynata nin: Chaynam kay runakunapa imaña ruwasqankupas chaynataq ofrecewasqankupas millakuypaqña.

Malaquías 1:10

¡Ima allinraq kanman templopa punkunta hukkaqnikichik wichqaruptinqa, chaynapi amaña pipas yanqapaq altarniypi ninata ratachinanpaq! Manañam qamkunawanqa kusisqañachu kani, nitaqmi ofrendaykichiktapas chaskisqaykichikñachu.

Juan 4:24

Diosqa Espiritum, chaymi yupaychaqninkunapas Espiritupa yanapasqan yupaychananku, Dios Taytaqa chayna cheqap yupaychanatam munan.