Proverbios 15:5 - CHUYA QELLQA La Biblia en Quechua de Ayacucho 2012

⁵ Mana yachayniyuq warmaqa taytanpa corregisqantam wischupakun, chaskikuq warmam ichaqa yachayniyuq kayninta qawachikun.

Quechua Ayacucho Bible 1987

⁵ Taytanpa corregisqantam desprecian mana yachayniyoq runaqa. Corregisqa kasqanta kasukuq runam yachayniyoq runaqa.

Chuya Qellqa 1992

⁵ Mana yachayniyuq warmaqa taytanpa corregisqantam wischupakun, chaskikuq warmam ichaqa yachayniyuq kayninta qawachikun.

Proverbios 15:5 Iomraidhean Croise

1~Crónicas 28:20

Salomontaqa nirqataqmi: ¡Kallpanchakuspayá ruway, amayá hukmanyaruychu nitaq manchakuychu, Señorninchik Tayta Diosmi qanwan kachkan! Payqa manam saqesunkichu nitaqmi karunchakunqachu Tayta Diospa templonta chaynataq llapa servicionkunatapas ruway tukunaykikama.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

Proverbios 1:23

Rimapayasqaykunata uyariychik, hinaptinqa espirituywan huntachispaymi imam piensasqaykunata reqsichisqaykichik.

Proverbios 1:7

Yachaypa qallariyninqa Tayta Diosta kasukuymi; mana yachayniyuq runaqa yachaytawan yachachikuytam wischupakun.

Proverbios 10:1

Kaykunam Salomonpa rimarisqan yachachikuykuna: Yachayniyuq warmaqa taytantam kusichin, mana yachayniyuqñataqmi mamanta llakichin.

Proverbios 13:1

Yachayniyuq warmaqa taytanpa corregisqantam chaskikun, mana yachayniyuq warmam ichaqa corregisqapas mana kasukuq.

Proverbios 13:18

Yachachikuyta qepanchaq runaqa sasachakuypi wakchayaypim tukunqa, corregichikuq runam ichaqa ancha reqsisqa kanqa.

Proverbios 15:4

Llampu simiqa kawsay qokuq sacha hinam, mana allin rimaymi ichaqa sonqota llakichin.

Proverbios 15:6

Allin ruwaq runapa wasinpiqa imapas achkanpim tarikun, mana allin runamanmi ichaqa ganakusqanpas sasachakuyllata apamun.

Proverbios 19:20

Consejasusqaykita uyarikuy, rimapayasusqaykita chaskikuy, hinaspaqa yachayniyuqmi rikurinki.

Proverbios 25:12

Qorimanta anillo hinam, akllasqa qorimanta collar hinam, kasukuq runata yachaywan qaqchaykuyqa.

Proverbios 6:23

Kamachikuykunaqa mechero hinam, yachachikuykunaqa achkiy hinam; anyasqa kaywan consejasqa kayñataqmi kawsayman pusakuq ñan hina.

Tito 1:13

Chaykuna nisqanqa cheqappunim. Chaynaqa, as allinta qaqchay iñiyninkupi allinta sayanankupaq,

Tito 2:15

Tukuy kaykunatam yachachinayki, kallpanchaspa, mana kasukuqkunata atiywan anyaspa. Amayá piwanpas pen-qaypiqa kaychu.