Proverbios 15:28 - CHUYA QELLQA La Biblia en Quechua de Ayacucho 2012

²⁸ Allin ruwaq runaqa manaraq rimachkaspam allinta tanteakun, mana allin runam ichaqa siminpa atipasqanta mana allinllata kacharin.

Quechua Ayacucho Bible 1987

²⁸ Contestananpaqmi sumaqta piensan allin kawsaq runaqa. Yakuta hichachkaq hinam riman mana allin ruraq runaqa.

Chuya Qellqa 1992

²⁸ Allin ruwaq runaqa manaraq rimachkaspam allinta tanteakun, mana allin runam ichaqa siminpa atipasqanta mana allinllata kacharin.

Proverbios 15:28 Iomraidhean Croise

Proverbios 10:19

Rimaysapa runaqa pantanpunim, siminta wichqakuy yachaqmi ichaqa yachayniyuq.

Proverbios 10:32

Allin ruwaq runaqa sumaq kaqkunallatam riman, mana allin runam ichaqa mana allinllata riman.

Proverbios 13:16

Allinta tanteakuspa ruwaq runaqa yachaywanmi imatapas ruwan, mana tantearikuq runam ichaqa mana yachayniyuq kayninta qawachikun.

Proverbios 15:2

Yachayniyuq runapa siminmantaqa yachaymi lloqsimun, mana yachayniyuqpa siminmantañataqmi mana allin rimaykunalla lloqsimun.

Proverbios 16:23

Allinta tanteakuq runaqa yachaywanmi riman, rimaspanmi yachayta cheqechin.

Proverbios 29:11

Mana yachayniyuq runaqa piñakuynintam kachaykun, yachayniyuq runam ichaqa piñakuyninta tanichin.

Proverbios 29:20

¿Rikurqankichu mana tantearispa rimaq runata? Chayna runamantaqa mana yachayniyuq runaraqmi allinqa.

Eclesiastés 5:2

Amayá apurawmanqa imatapas rimaruychu, amayá sonqoykipipas nitaq yuyaymanaynikipas hawanpi-ukunpiqa Diosman prometekuruychu; Diosqa hanaq pachapim kachkan, qamñataqmi kay pachapi kachkanki. Chaynaqa, pisillatayá rimay.

Eclesiastés 5:6

Amayá munaychu huchaman simiki wichiykachisunaykitaqa, chaynapi Diospa kachamusqan hamuptin “mana yachaywanmi ruwaruni” nispa mana ninaykipaq. ¿Imapaqtaq rimasqaykikunawan Diosta piñachiwaq chaynapi ruwasqaykikunata tuñirachinanpaqqa?

Mateo 12:34

¡Maqta urupa mirayninkuna! ¿Imaynataq mana allin runakuna kachkaspa allin kaqkunata rimawaqchik? Runaqa imam sonqonpi kasqanman hinam riman.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

2~Pedro 2:18

Riman-kupas yanqa mana pasaqkunatam, aychapa munasqan mana allin ruway-kunamanmi huchanmanta chayllaraq ayqekuqkunatapas aysanku.