Proverbios 15:27 - CHUYA QELLQA La Biblia en Quechua de Ayacucho 2012

²⁷ Apuyayllata maskaq runaqa wasintam tuñichin, sobornachikuyta cheqniqmi ichaqa kawsakunqa.

Quechua Ayacucho Bible 1987

²⁷ Engañowan ganay munaq runaqa familianmanmi desgraciata apaykunqa. Sayniyachikuyta cheqniq runaqa hawkam kawsakunqa.

Chuya Qellqa 1992

²⁷ Apuyayllata maskaq runaqa wasintam tuñichin, sayniyachikuyta cheqniqmi ichaqa kawsakunqa.

Proverbios 15:27 Iomraidhean Croise

1~Reyes 2:40

Chaymi Simeiqa asnonta caronaykuspan Gat llaqtapi Aquispa wasinman rirqa, criadonkunata maskamunanpaq. Riruspanmi Simeiqa criadonkunata Gat llaqtamanta kutichimurqa.

2~Reyes 5:27

Chaynaqa, Naamanpa lepra onqoyninwanmi qamña miraynikikunapiwan mana tukuyta onqonkichik, nispa. Chaymi Gieziqa Eliseopa qayllanmanta riti hina yuraq-yuraq lepra onqoyniyuqña lloqsirurqa.

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Éxodo 23:8

Amam sobornotaqa chaskikunkichu, sobornotaqa allin ruwaqkunatapas pantachinmi, allin ruwaq runakunapa cheqap rimasqantapas qewirunmi.

Proverbios 1:19

Chaynam tukuy imayuq karuyta munaq runaqa, chay munaynillanmi wañuymanpas apanqa.

Proverbios 11:19

Allin kawsakuyqa kawsaymanmi apakun, mana allin kawsaymi ichaqa wañuyman apakun.

Proverbios 11:29

Wasinta sasachakuyman apaq runaqa tukuy ima hatallisqantam wischurunqa, pisi yuyayniyuq runaqa yachayniyuq runapa criadonmi kanqa.

Proverbios 15:26

Tayta Diosqa millakunmi mana allin runakunapa tanteasqantaqa, sumaq rimaykunawanmi ichaqa kusikun.

Proverbios 20:21

Qallariyninpi imapas chaylla armasqa kaqkunaqa qepa punchawkunapim sasachakuyta apamun.

Proverbios 23:4

Ama apuyayllata maskaychu, aswanqa chaypi yuyarayayta saqey.

Proverbios 28:16

Mana yachayniyuq runa kamachikuspanqa ñakariyllatam mirachin, apuyaruyllata cheqniqmi ichaqa unay watakunata kawsakunqa.

Proverbios 28:25

Apuyaruyllata maskaq runaqa peleollatam hatarichin, Tayta Diosman hapipakuqmi ichaqa allin kawsakunqa.

Proverbios 29:4

Allinta munaychakuq reyqa llaqtatam takyachin, impuestollata mañakuqmi ichaqa llaqtata chinkachin.

Jeremías 17:11

Imaynam hukpa runtunta oqllaq yutu hinam mana allinkunata ruwaspa apuyaruq runaqa, manaraq machuyachkaptinmi qorinpas qollqenpas tukunqa, hinaptinmi wakchayaypi tukunqa.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.

Deuteronomio 7:26

Milla-kuypaq kaqkunataqa amam wasiki-chikman apankichikchu, yanqam qam-kunapas chinkachisqa kawaqchik. Chay millakuypaq kaqkunaqa chinkachisqa kananpaqmi churasqa kachkan, chayraykum chaykunataqa millakuypaqtaña qawankichik.

1~Timoteo 6:10

Qollqella kuyayqa tukuy mana allin ruwaykunapa qallariyninmi. Achkaqmi qollqeta kuyaruspanku Diosman iñisqankumantapas karunchakurunku, hinaspam sasachakuykunapiwan ñakariykunapi tarikunku.

1~Timoteo 6:9

Apuyaylla munaqkunaqa tentachikuspam trampaman hina mana valeq kaqkunallaman wichiykunku, chaykunaqa apakun llakillamanmi hinaspa wañuyllamanmi.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.

1~Samuel 12:3

Ñawpaqnikichikpim kachkani, sichum pipa bueyesnintapas, asnontapas hapikuykuptiyqa, pitapas ñakarichiptiyqa, yanqapas-yanqa llakichiptiyqa otaq yanqamanta imatapas chaskikuykuspa upallakuykuptiyqa, kunanyá Tayta Diospa qayllanpi chaynataq reynikichikpa qayllanpi niwaychik. Chayna kaptinqa imam debekusqaytam pagapusqaykichik, nispa.