Proverbios 14:28 - CHUYA QELLQA La Biblia en Quechua de Ayacucho 2012

²⁸ Reypa hatunchakuyninqa kachkan achka runapi munaychakuyninpim, ichaqa mayna penqakuypaqmi mana pipas kamachinanpaq kaptinqa.

Quechua Ayacucho Bible 1987

²⁸ Achka runata gobiernaq reyqa allin reqsisqam kanqa. Pisi runakunallata gobiernaspanmi ichaqa penqaypi kanqa.

Chuya Qellqa 1992

²⁸ Reypa hatunchakuyninqa kachkan achka runapi munaychakuyninpim, ichaqa mayna penqakuypaqmi mana pipas kamachinanpaq kaptinqa.

Proverbios 14:28 Iomraidhean Croise

2~Samuel 19:7

Chaynaqa, kunanyá hawaman lloqsispayki tropaykikunata allinllata rimapayamuy, mana chaynata ruwaptikiqa manam huk runallapas kunan tuta qanwan puchunqachu, chaytaqa Diosraykum jurani. Joven kasqaykimanta mana allinkuna pasasusqaykimantapas aswan mana allinraqmi kayqa karunman, nispa.

2~Samuel 24:3

Joabmi ichaqa reyta nirqa: Yupaychasqanchik Tayta Diosyá kay nacionpi runakunata kunan kasqan-mantapas pachak kuti mastaraq mira-chichun, chaynapi qam reyniy qawanaykipaq. Chaynaqa, reynilláy ¿imapaqtaq yupachiyta munanki? nispa.

1~Reyes 20:27

Israel tropakunapas huñusqa kaspankum mikunankupaq qoqawchakuspa peleaq lloqsirqaku, hinaspam Siria tropakunapa chimpanpi samarurqaku. Paykunaqa iskay atajo cabrakuna hinallam karqaku, Siria tropakunam ichaqa pampapas huntaykuq karqaku.

2~Reyes 13:7

Siria nacionpa reynin chinkarachispan ñutu allpata hinaña ruwaruptinmi, rey Joacazpa soldadonkunamantaqa puchururqa caballopi sillakuqkunamanta pichqa chunka runakunawan guerrapaq chunka carretakuna hinaspa chakiwan riqkunamanta chunka waranqa soldadokunallaña.

Éxodo 1:12

Ichaqa maynataña ñakarichichkaptinkupas aswanraqmi mirarqaku, chaynapim Israelpa mirayninkunamanta Egipto runakuna mancharisqallaña karqaku.

Éxodo 1:22

Chaymi lliw runankunata Faraón kamachirqa: Hebreokunapa qari churin naceqtaqa mayuman wischuychik, warmi churikunatam ichaqa ama imanankichikchu, nispa.

Proverbios 14:27

Tayta Diosta manchakuyqa kawsakuypa qallariyninmi, wañuymantam runata lluptichin.

Proverbios 14:29

Mana chaylla piñakuruq runaqa ancha yachayniyuqmi, chaylla piñakuruq runam ichaqa pasaypaq mana yachayniyuq kasqanta qawachikun.

Jeremías 13:20

Jerusalenpi yachaqkuna, norte lawta qawariychik, enemigoykichikmi hamuchkan. ¿Maytaq michinaykipaq saqesqay ovejakuna? ¿Maytaq hatunchakunayki ovejakuna?