Proverbios 14:2 - CHUYA QELLQA La Biblia en Quechua de Ayacucho 2012

² Allin kawsakuq runaqa Tayta Diostam kasukun, mana allinta kawsaq runam ichaqa Diostapas qepanchan.

Quechua Ayacucho Bible 1987

² Diospa munasqanman hina kawsaq runaqa Tayta Diostam respetan. Pantaypi kawsaq runam ichaqa Tayta Diosta desprecian.

Chuya Qellqa 1992

² Allin kawsakuq runaqa Tayta Diostam kasukun, mana allinta kawsaq runam ichaqa Diostapas qepanchan.

Proverbios 14:2 Iomraidhean Croise

2~Samuel 12:9

¿Hinaptinqa imanasqataq kamachikuyniyta qepanchaspayki mana allinta ñawpaqniypi ruwarqanki? Het casta Uriasta wañurachispaykim war-mintapas warmikipaqraq hapikuykunki. Qam kamachiptikim Uriasta Amonpa mirayninkuna guerrapi wañuchirqaku.

1~Reyes 3:6

Chaymi Salomón nirqa: Serviqniki taytay Davidtam llumpayta kuyapayarirqanki, chaynataqa ruwarqanki munasqaykiman hina cheqaptapuni allin ruwaq kasqanraykum, anchata kuyaspaykim churintapas paypa rantinpi munaychakunanpaq kunan churaykunki.

2~Reyes 17:34

Kunankamapas paykunaqa hinallam chaynata ruwachkanku. Tayta Diostaqa manam yupaychankuchu, kamachikuyninkunatawan yachachikuyninkunatapas paykunaqa manam ruwayman churankuchu, Israelwan sutichasqan Jacobpa mirayninkunaman Tayta Diospa qosqan yachachikuykunatawan kamachikuykunatapas manam kasukunkuchu.

Jobwan Sutichasqa Libro 1:1

Uz nacionpim Job sutiyuq runa yacharqa. Payqa karqa mana huchayuqmi, allin kaqkuna ruwaqmi, Tayta Diosta manchakuqmi, mana allin ruwaykunamanta sapaqchakuqmi.

Jobwan Sutichasqa Libro 12:4

Ñoqaqa mana huchayuq kachkaspaypas, Diosta mañakuptiy contestamuwachkaptinpas, ichaqa amigoykunapa asipayananmi kani.

Jobwan Sutichasqa Libro 28:28

Hinaspam runata nirqa: “Yachayqa Diosta manchakuymi, yachayqa mana allinmanta rakikuymi”, nispa.

Proverbios 11:12

Mana yachayniyuq runaqa runamasinmantam mana allinta riman, yachayniyuq runam ichaqa upallakun.

Proverbios 16:17

Allin ruwaq runaqa mana allinmantam sapaqchakun, imaynam kawsasqanta qawakuqqa vidantam waqaychan.

Proverbios 16:6

Kuyakuywan hinaspa cheqap kaqwanmi huchataqa pampachana, runaqa Tayta Diosta kasukuspallam mana allinmanta sapaqchakunqa.

Proverbios 19:1

Wakcha kaspapas allin sonqoyuq kaymi aswan allinqa, mana yachayniyuq kaspa yanqamanta tumpakuq kanamantaqa.

Proverbios 2:15

Chayna runapa kawsayninqa pantaymi, chayna runaqa allin ñantam saqerun.

Proverbios 28:6

Huchallapi kawsaq apumantaqa, wakcha kaspapas allin kawsakuyniyuq kaymi aswan allinqa.

Eclesiastés 12:13

Kay uyarisqayki yachachikuykunapa tukupayninqa kaymi: Diosta manchakuspa kamachikuyninkunata kasukuy, chayllam runapa ruwayninqa.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Lucas 16:14

Tukuy chaykunatam qollqella kuyaq fariseokunapas uyarirqaku, hinaspam Jesusmanta burlakurqaku.

Hechos 10:22

Hinaptinmi paykunañataq nirqaku: Ñoqaykutaqa Capitán Corneliom kachamuwanku. Payqa Diosta manchakuq justo runam, paytaqa llapa judiokunapas allin runapaqmi reqsinku. Diospa angelninmi payta kamachirqa wasinman qayachisuspayki qampa nisqaykikunata uyarinanpaq, nispanku.

Hechos 10:35

payqa may nacionmanta kaptinpas chaskinmi kasukuspa allin ruwaq runakunataqa.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.