Proverbios 14:17 - CHUYA QELLQA La Biblia en Quechua de Ayacucho 2012

¹⁷ Chaylla piñakuruq runaqa mana allinkunallatam ruwan, allin tanteakuq runam ichaqa hawkalla kakun.

Quechua Ayacucho Bible 1987

¹⁷ Imatapas loco hinam ruran chaylla piñakuruq runaqa. Sacre runam ichaqa cheqnisqa kanqa.

Chuya Qellqa 1992

¹⁷ Chaylla piñakuruq runaqa mana allinkunallatam ruwan, allin tanteakuq runam ichaqa hawkalla kakun.

Proverbios 14:17 Iomraidhean Croise

2~Reyes 5:12

¿Manachum Israelpa mayunkunamantaqa Damasco lawpi Abana mayuwan Farfar mayuraq aswan allin karqa? Chay mayukunapi bañakuspaypas ¿manachu sanoyaruyman karqa? Chaynata nispanmi piñasqallaña kutikurqa.

Ester 3:6

Ichaqa Mardoqueopa judío kasqanta yacharuspanmi, Amanqa mana payllatañachu wañuchiyta munarqa, aswanqa rey Asueropa munaychakusqanpi yachaq llapallan judío runakunatawanñam.

Proverbios 12:16

Mana yuyayniyuq runaqa piñakuynintam chaylla qawachikun, yachayniyuq runam ichaqa kamiqnintapas pampachaykun.

Proverbios 12:2

Allin runaqa Diospa kuyakuynintam chaskinqa, mana allin yuyaymanaqtam ichaqa castiganqa.

Proverbios 14:16

Yachayniyuq runaqa manchakuspam mana allinmanta ayqekun, mana yachayniyuq runam ichaqa hatun tukuspa kikillanpi hapipakun.

Proverbios 14:18

Mana yachayniyuq runakunapa pagonqa mana yachayniyuq kaymi, yachayniyuq runakunam ichaqa yachaywan coronasqa kanqaku.

Proverbios 14:29

Mana chaylla piñakuruq runaqa ancha yachayniyuqmi, chaylla piñakuruq runam ichaqa pasaypaq mana yachayniyuq kasqanta qawachikun.

Proverbios 15:18

Chaylla piñakuruq runaqa piñanakuyllatam hatarichin, llampu sonqo runam ichaqa tanichin.

Proverbios 16:32

Qari-qari kaymantapas aswan allinqa mana chaylla piñakuruymi; llaqtakuna venceymantapas aswan allinqa genionchik controlakuymi.

Proverbios 20:3

Runapa alabakuyninqa piñanakuymanta asurikuymi, mana yachayniyuqmi ichaqa piñanakuyta hatarichin.

Proverbios 22:24

Chaylla piñakuruq runawanqa ama amistadta armaychu, piña-piña runawanqa ama kuskapas puriychu.

Proverbios 29:22

Chaylla piñakuruq runaqa piñanakuyllatam hatarichin, chaylla rabiakuruq runaqa chaylla-chayllam huchaman wichin.

Proverbios 6:18

mana allinkunallata tanteaq sonqota, mana allin ruwayman chaylla kallpaqta,

Eclesiastés 7:9

Amayá chayllaqa piñakuruychu, chaylla piñakuruyqa mana yachayniyuqkunapa ruwayninmi.

Isaías 32:7

Millay runaqa mana allinkunallatam ruwan, payqa mana allinkunallatam tantean, chaykunawanmi wakchakunata astawan tuñichin; mana piniyuq runapa allin arreglo mañakusqantam llullakunawan hukmanyachin.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.