Proverbios 14:11 - CHUYA QELLQA La Biblia en Quechua de Ayacucho 2012

¹¹ Mana allin runakunapa wasinqa tuñichisqam kanqa, allin ruwaq runakunapa wasinmi ichaqa llanllarinqa.

Quechua Ayacucho Bible 1987

¹¹ Mana allin ruraqkunapa wasinqa chinkachisqam kanqa. Diospa munasqanman hina kawsaqkunapa yachananmi ichaqa takyanqa.

Chuya Qellqa 1992

¹¹ Mana allin runakunapa wasinqa tuñichisqam kanqa, allin ruwaq runakunapa wasinmi ichaqa llanllarinqa.

Proverbios 14:11 Iomraidhean Croise

Jobwan Sutichasqa Libro 15:34

Mana allin runakunaqa mana mirayniyuqmi kanqa, runata engañaspa huntachisqan wasinkunapas ninapa rupasqanmi tukunqa.

Jobwan Sutichasqa Libro 18:21

Mana allin runakunaqa chaynatam tukunqaku, Diosta mana reqsiq runakunaqa chaynam tukunqaku, nispa.

Jobwan Sutichasqa Libro 21:28

Qamkunam tapukunkichik: “¿Maypitaq chay hatun tukuqpa wasin kachkan? ¿Maypitaq chay millay runapa yachanan kachkan?” nispaykichik.

Jobwan Sutichasqa Libro 8:15

Chay qaytuman hapipakuptinqa tipirunqam, chay llikaman hapipakuptinpas manam takyachinqachu.

Jobwan Sutichasqa Libro 8:22

Cheqnisuqnikikunam penqaypa intusqan kanqaku, huchasapa runakunapa wasinqa tuñichisqam kanqa, nispa.

Jobwan Sutichasqa Libro 8:6

sichum munasqanman hina kawsaptikiqa, cheqaptapunim Diosqa waqaychasunki, tukuy imaykitam imam kaqta kutichipusunki.

Proverbios 11:28

Kapuqninkunapi hapipakuq runaqa chakisqa rapi hinam wichirunqa, allin kawsakuq runam ichaqa musoq rapi hinaraq ikllirinqa.

Proverbios 12:7

Mana allin runakunaqa Dios tuñichiptinmi chinkarunqaku, allin ruwaq runakunapa wasinmi ichaqa takyanqa.

Proverbios 15:25

Hatun tukuq runapa wasintaqa Tayta Diosmi tuñichin, viudapa herenciantam ichaqa takyachin.

Proverbios 21:12

Chuya Diosqa mana allin runapa wasintam qawan, chayraykum mana allin runataqa tuñichin.

Proverbios 21:20

Yachayniyuq runapa wasinpiqa qori-qollqewan aceitem tarikun, mana yachayniyuq runam ichaqa kapuqninkunatapas yanqachan.

Proverbios 3:33

Tayta Diosqa ñakanmi mana allin ruwaqpa wasintaqa, allin ruwaqpa wasintam ichaqa bendicen.

Zacarías 5:4

Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.