Proverbios 14:10 - CHUYA QELLQA La Biblia en Quechua de Ayacucho 2012

¹⁰ Sonqoqa yachakunmi imakunam llakichisqantaqa, paypa kusikuyninwanqa manam kusikunmanchu sapaq runaqa.

Quechua Ayacucho Bible 1987

¹⁰ Runaqa sonqollanpim yachan llakisqa kasqantaqa. Paypa kusikuyninwanqa Manam kusikunmanchu sapaq runaqa.

Chuya Qellqa 1992

¹⁰ Sonqoqa yachakunmi imakunam llakichisqantaqa, paypa kusikuyninwanqa manam kusikunmanchu sapaq runaqa.

Proverbios 14:10 Iomraidhean Croise

Génesis 42:21

hukninkumanta hukninkukama nina-kurqaku: Cheqaptapunim wawqenchikpa contranpi huchallikururqanchik. Ruega-kuwachkaptinchikpas ñakariyninta qawachkaspam mana uyarirqanchikchu, chayraykum ñoqanchikman kay ñakariy chayaramuwanchik, nispanku.

2~Reyes 4:27

Profeta Eliseopa kasqanman chayaruspanmi chakinmanta hapipakururqa. Asuchinanpaq Giezi asuykuptinmi Diospa profetan nirqa: Ama imanaychu sonqonpim ancha llakisqa kachkan. Imamantam chayna kasqantaqa manaraqmi Tayta Dios willawanchu, nispa.

Jobwan Sutichasqa Libro 10:1

¡Kawsaytapas amiruniñam! chayraykum mana upallaykuspa willakusaq, llumpay llaki sonqoyuqmi rimarisaq.

Jobwan Sutichasqa Libro 21:25

Wakinñataqmi ñakariypa huntasqan kawsaspa mana haykapipas kusikuyta reqsichkaspa wañukunku.

Jobwan Sutichasqa Libro 7:11

Chayraykum mana upallaykuspay rimasaq, llakipa intusqan sonqoywanmi rimasaq, sonqoypas nanasqam rimasaq.

Jobwan Sutichasqa Libro 9:18

Samayniy millpuykunaytapas mana saqeykuwaspam ñakariywan llakikuywan huntaykuwan.

Proverbios 15:13

Kusisqa sonqoqa runapa uyantam kuyapata ruwan, onqosqa sonqom ichaqa runata llakichin.

Proverbios 18:14

Onqoqtaqa kallpanchakuyninmi hatarichinqa ichaqa, ¿pitaq hukmanyasqa runataqa hatarichinman?

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Juan 12:27

Kunanmi almay hukmanyasqa kachkan. Chaynaqa, ¿imanisaqtaq? ¿Icha: “Taytáy, salvaykuway kay ñakariymanta” nispachu nisaq? Ñoqaqa kaynata ñakarinaypaqmi kunan hamurqani.

Juan 14:18

Manam sapallaykichiktachu saqerusqaykichik, qamkunamanmi kutimusaq.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Filipenses 4:7

Diosninchikmi hawkayayta qosunkichik, chaytaqa manam runaqa entiendeyta atinchu, chay hawkayaymi sonqoykichiktawan yuyaymanaynikichikta Jesucristopi waqaychanqa.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

1~Samuel 1:10

Hinaspam Anaqa llumpay llakisqa sonqontin, sinchi waqakuywan Diosta mañakurqa.

1~Samuel 1:15

Chaymi Ana nirqa: Manam taytalláy vinotapas nitaq ima sinkachikuqtapas tomarqanichu, ñoqaqa sonqoypi ancha llakisqam kachkani, chaymi Diospa qayllanpi sonqoymanta mañakuchkani.