Proverbios 13:7 - CHUYA QELLQA La Biblia en Quechua de Ayacucho 2012

⁷ Kanmi mana imayuq kachkaspapas apu tukuq runakuna, kantaqmi tukuy imayuq kachkaspapas wakcha tukuqkuna.

Quechua Ayacucho Bible 1987

⁷ Kanmi apu tukuq runakuna mana imankupas kachkaptin. Kantaqmi wakcha tukuqkunapas tukuy imankupas kachkaptin.

Chuya Qellqa 1992

⁷ Kanmi mana imayuq kachkaspapas apu tukuq runakuna, kantaqmi tukuy imayuq kachkaspapas wakcha tukuqkuna.

Proverbios 13:7 Iomraidhean Croise

Proverbios 11:24

Imallantapas qokuykuq runaqa qosqanmantapas mastaraqmi chaskikun, maqlla runam ichaqa wakchayayman chayanqa.

Proverbios 12:9

Runakunapa despreciasqan kaspapas mikunayuq kaymi aswan allinqa, ancha reqsisqa kachkaspa mana mikunayuq kanamantaqa.

Proverbios 13:11

Mana allinkunata ruwaspa tarisqa qollqeqa chayllam tukurun; llamkakuspa huñusqa qollqem ichaqa miranqa.

Proverbios 13:8

Apu runataqa kapuqninkunam vidanta salvan, wakcha runam ichaqa mana ima amenazatapas chaskinchu.

Lucas 12:20

Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Lucas 12:21

Chaynam kanqa kikillanpaq imapas maskaq runaqa, Diospa qayllanpiqa pasaypaq mana imayuqmi kachkan, nispa.

Lucas 12:33

Kapuqnikichikta rantikuspayá mana imayuqkunaman qoychik. Chaynata ruwaspaqa hanaq pachapi mana mawkayaq wayqamanmi mana tukuq kapuqnikichikta huntachichkankichik. Chaymanqa manam suwapas chayanchu, chaypiqa manataqmi puyupas tukunchu.

1~Corintios 4:8

Qamkunaqa saksasqañam kachkankichik, apuyarunkichikñam kanpas, mana ñoqallaykuwanmi munaychakuchkankichikña. ¡Amalaya reyña kawaq-chik ñoqaykupas qamkunawan kuska reyña kanaykupaq!

2~Corintios 4:7

Chay achkiymi qori hina ñoqanchikpi kapuwachkanchik, allpa manka hinalla kachkaptinchikpas. Chay hatu-hatun atiyqa manam ñoqanchikmantachu, aswanqa Diosmantam hamun.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Santiago 2:5

Kuyasqay wawqe-panillaykuna, uyariykuwaychikyá, kay pachapi wak-chakunataqa Diosninchikmi akllarqa iñiyninkupi apu kanankupaq hinaspa kuyaqninkunaman prometesqan Diospa munaychakusqanta chaskinankupaq.

2~Pedro 2:19

Kikin-kupuni mana allinkunapa esclavon kachkaspankupas, libre kaytaraqmi prometenku. Pipas vencechikuqqa ven-ceqninpa munaychakusqanmi riku-rirun.

Apocalipsis 2:9

Ñoqaqa yachanim ruwasqaykikunatawan ñakarisqaykita hinaspa wakcha kaynikitapas, Diospaqmi ichaqa apu kachkanki. Yachanitaqmi judiom kani niqkunapa kamisusqaykitapas, paykunaqa manam judiochu aswanqa Satanaspa sinagoganmi.

Apocalipsis 3:17

Qanmi ninki: “Apum kani, apuyarunim, manam imatapas munaniñachu” nispayki, ichaqa manam musyakunkichu llakipayaypaq mana imayuq kasqaykita, wakcha, ñawsa hinaspa qalalla kasqaykitapas.