Proverbios 13:13 - CHUYA QELLQA La Biblia en Quechua de Ayacucho 2012

¹³ Kamachikuyta mana kasukuq runaqa chinkanqam, kamachikuyta kasukuqmi ichaqa pagota chaskikunqa.

Quechua Ayacucho Bible 1987

¹³ Kamachikuyta despreciaq runaqa despreciasqanmantam paganqa. Kamachikuyta respetaq runam ichaqa premiasqa kanqa.

Chuya Qellqa 1992

¹³ Kamachikuyta mana kasukuq runaqa chinkanqam, kamachikuyta kasukuqmi ichaqa pagota chaskikunqa.

Proverbios 13:13 Iomraidhean Croise

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Esdras 10:3

Chaynaqa, kunanyá Diosninchikman prometekusun kay warmikunatawan wawankunata qarqonapaq. Qampa chaynataq Diosninchikpa kamachikuyninta kasukuq runakunapa niwasqankuman hinam ruwasaqku. Diospa kamachikuynintam kasukusaqku.

Éxodo 9:20

Chaywanpas Faraonpa wakiqnin serviqninkunallam Tayta Diospa nisqanta manchakuspanku serviqninkunata chaynataq animalninkutapas wasi ukuman pusaykurqaku.

Proverbios 1:25

Aswanraqmi consejasqaykunatapas wischupakurqankichik, rimapayasqaykunatapas manam kasukurqankichikchu.

Proverbios 13:12

Imapas munasqan unamuptinqa runapa sonqonmi ñakarin, munasqan cumplikuruyninmi ichaqa kawsay qokuq sacha hinaraq.

Proverbios 13:21

Sasachakuyqa huchasapakunatam qatikachan, allin ruwaq runakunam ichaqa allin kaqkunawan premiasqa kanqa.

Proverbios 16:20

Rimapayasqa uyarikuq runaqa allinmi kanqa, Tayta Diosman hapipakuq runaqa mayna kusisqam kanqa.

Proverbios 19:16

Kamachikuyta kasukuqqa vidantam waqaychakun, Tayta Diospa yachachikuyninta wischupakuqmi ichaqa wañunqa.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 43:2

Osaiaspa churin Azariaswan, Careapa churin Johanán hinaspa wakin hatun tukuq runakuna, Jeremiasta nirqaku: Chay niwasqaykikuqa llullam, yupay-chasqanchik Tayta Diosqa manam nisunkimanchu karqa: “Egipto nacionmanqa ama riychikchu”, nispaqa.

Ezequiel 20:13

Ichaqa paykunam chay chunniqpi mana kasuwarqakuchu; kamachikuyniytapas manam kaqpaqpas hapirqakuchu, decretoykuna qosqaytapas wischupakurqakum, chaykunatam qorqani ruwayman churaspa kawsanankupaq. Aswanraqmi samana punchawniykunatapas pasaypaqta sarutyarurqaku. Chayraykum paykunaman piñakuyniyta kachaykuspay chunniqpi chinkarachiyta tantearqani.

Ezequiel 20:16

Kamachikuykuna qosqaytapas wischupakuspankum mana decretoykunaman hinachu kawsarqaku, samana punchawniykunatapas pasaypaqtam sarutyarurqaku. Paykunaqa idolokunapi sonqoyuqllam kawsarqaku.

Ezequiel 20:24

Chaynataqa nirqani, decretoy-kunata mana kasukuspanku kamachikuyniykunatapas mana ruwayman churasqankuraykum chaynataq samana punchawniykunatapas pasaypaqta sarutyaruspanku taytankupa idolonkunapi sonqoyuq kasqankuraykum.

Malaquías 3:16

Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.

Números 15:31

Yachachikuyniykunata mana kaqpaq hapispan kamachikuyniytapas mana kasukusqanraykum chayna runaqa huchanmanta chinkachisqa kanqa, nispa.

Mateo 5:12

Anchatayá kusikuychik, hanaq pachapim hatun premiota chaskinkichik. Chaynatam qatikacharqaku qamkunamanta ñawpaq kaq profetakunatapas.

Lucas 16:31

Chaymi Abrahamñataq nirqa: “Moisespa hinaspa profetakunapa nisqankunata mana kasukuspankuqa, wañuqkunamanta hukkaqnin kutispan willamuptinñapas manam creenqakuchu”, nispa.

2~Juan 1:8

Cuidakuychikyá tukuy llamkasqaykichikpa ruruynin ama yanqachasqa kananpaq, chaynapi llapan premioykichikta Señorninchikmanta chaskinaykichikpaq.