Proverbios 13:1 - CHUYA QELLQA La Biblia en Quechua de Ayacucho 2012

¹ Yachayniyuq warmaqa taytanpa corregisqantam chaskikun, mana yachayniyuq warmam ichaqa corregisqapas mana kasukuq.

Quechua Ayacucho Bible 1987

¹ Yachayniyoq churiqa kasukunmi taytanpa correqisqanta. Burlakuq runam ichaqa mana kasunchu anyaqninta.

Chuya Qellqa 1992

¹ Yachayniyuq warmaqa taytanpa corregisqantam chaskikun, mana yachayniyuq warmam ichaqa corregisqapas mana kasukuq.

Proverbios 13:1 Iomraidhean Croise

1~Reyes 22:43

Rey Josafatqa taytan Asapa tukuy allinkuna ruwasqanman hinam kawsarqa, mana imallapipas pantaykuspanmi Tayta Diospa munasqanman hina ruwarqa, chaywanpas alto moqokunapi capillakunataqa manam chinkachirqachu; chay capillakunapim runakuna hinalla animalkunata wañuchispa, inciensota kañaspa idolokunata yupaychaqku.

Proverbios 10:1

Kaykunam Salomonpa rimarisqan yachachikuykuna: Yachayniyuq warmaqa taytantam kusichin, mana yachayniyuqñataqmi mamanta llakichin.

Proverbios 12:15

Mana yachayniyuq runapaqqa imaña ruwasqanpas allinpaqmi rikchakapun, yachayniyuq runam ichaqa rimapayasqapas uyarikun.

Proverbios 14:6

Hatun tukuq runaqa yachayta maskaspapas manam tarinchu, yuyaymanayniyuq runapaqmi ichaqa yachay tariypas mana sasachu.

Proverbios 15:12

Mana kasukuq runaqa qaqchaykuqnintapas cheqninmi, yachayniyuq runakunawanpas manam hukllawakunchu.

Proverbios 15:20

Yachayniyuq warmaqa taytantam kusichin, mana yachayniyuq warmam ichaqa mamanmantapas penqakun.

Proverbios 15:5

Mana yachayniyuq warmaqa taytanpa corregisqantam wischupakun, chaskikuq warmam ichaqa yachayniyuq kayninta qawachikun.

Proverbios 7:24

Chaynaqa, churillaykuna uyariwaychik, rimasqaykunata allinta uyariychik.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.