Proverbios 12:5 - CHUYA QELLQA La Biblia en Quechua de Ayacucho 2012

⁵ Allin ruwaq runakunaqa allin kawsakuypim yuyaymananku; millay runakunam ichaqa engañayllapi yuyaymananku.

Quechua Ayacucho Bible 1987

⁵ Allin ruraq runakunaqa Diospa munasqanman hinam yuyaymananku. Mana allin ruraq runakunam ichaqa engañollata consejanku.

Chuya Qellqa 1992

⁵ Allin ruwaq runakunaqa allin kawsakuypim yuyaymananku; millay runakunam ichaqa engañayllapi yuyaymananku.

Proverbios 12:5 Iomraidhean Croise

Proverbios 11:23

Allin ruwaq runakunaqa allin kaqkunallatam munanku, mana allin runakunapa munayninmi ichaqa piñakuyta hatarichin.

Proverbios 12:4

Allin warmiqa qosanpa coronanmi, mana allin warmim ichaqa qosanpaqpas tullu nanaynin.

Proverbios 12:6

Mana allin runapa rimayninqa wañuchikuq trampa hinam; allin runapa rimayninmi ichaqa runamasinta wañuymanta salvanqa.

Proverbios 14:8

Yachayniyuq runataqa yachaymi imaynam kawsananta yachachin, mana tanteoyuq runatam ichaqa mana yachayniyuq kaynin pantachin.

Proverbios 24:9

Mana yachayniyuq runaqa huchallapim yuyaymanan, burlakuq runataqa lliwmi cheqninku. -24-

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Jeremías 4:14

Jerusalén llaqtapi runakuna, sonqoykichikpi huchata mayllakuychik chaynapi salvakunaykichikpaq. ¿Haykapikamataq chay mana allin yuyaymanaykunawan intuchikunkichik?

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Jeremías 9:5

Sapakamam runamasinta engañan, manam pipas cheqap kaqtaqa rimanchu, llullakuymanmi amañakurunku, mana allin ruwayllamanñam qokurunku, nispa.

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Mateo 26:4

Chaypim tanteanakururqaku engañollawan Jesusta hapiruspa wañurachinankupaq.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 4:2

Saqerunikuñam pakasqallapi penqaypaq ruwaykunataqa, manataqmi pitapas engañastinchu nitaqmi Diospa palabrantapas qewi-qewirispachu purichkaniku, aswanqa cheqapllatam willakuniku, Diospa qayllanpim recomendakuniku llapa runakunapa concienciaman.