Proverbios 12:23 - CHUYA QELLQA La Biblia en Quechua de Ayacucho 2012

²³ Yachayniyuq runaqa yachayninmantapas manam alabakunchu, mana yachayniyuqmi ichaqa mana yuyayniyuq kayninta qawachikun.

Quechua Ayacucho Bible 1987

²³ Tanteoyoq runaqa manam alabakunchu yachayninmanta. Sonso runam ichaqa sutilla reqsichikun mana yuyayniyoq kasqanmanta.

Chuya Qellqa 1992

²³ Yachayniyuq runaqa yachayninmantapas manam alabakunchu, mana yachayniyuqmi ichaqa mana yuyayniyuq kayninta qawachikun.

Proverbios 12:23 Iomraidhean Croise

Nehemías 2:12

tuta hatarispay wakin qarikunapiwan pasarqaniku, ichaqa manam pimanpas willarqanichu Jerusalenpi imam ruwanaypaq Diospa sonqoyman churasqantaqa. Ñoqapa sillakusqay animalmanta huk animalqa manam rirqachu.

Nehemías 2:16

Llapa kamachikuqkunam ichaqa mana yacharqakuchu maytam risqaytapas nitaq imam ruwamusqaytapas. Chaykamaqa manataqmi imam ruwanaytapas willarqanichu judiokunamanpas, sacerdotekunamanpas, gobernadorkunamanpas nitaq llamkaqkunamanpas.

Proverbios 10:14

Yachayniyuqkunaqa yachaytam taqekunku, mana yachayniyuqkunapa siminñataqmi sasachakuyta apamun.

Proverbios 10:19

Rimaysapa runaqa pantanpunim, siminta wichqakuy yachaqmi ichaqa yachayniyuq.

Proverbios 11:13

Cuento qepi runaqa pakasqa kaqkunatam willakachakun, confianza runam ichaqa imam willasqaykitapas pakaykun.

Proverbios 13:16

Allinta tanteakuspa ruwaq runaqa yachaywanmi imatapas ruwan, mana tantearikuq runam ichaqa mana yachayniyuq kayninta qawachikun.

Proverbios 14:33

Yachayniyuq runapa sonqonpiqa yachaymi tarikun, mana tanteoyuq runam ichaqa yachaytapas mana reqsinchu.

Proverbios 15:2

Yachayniyuq runapa siminmantaqa yachaymi lloqsimun, mana yachayniyuqpa siminmantañataqmi mana allin rimaykunalla lloqsimun.

Proverbios 18:2

Mana yachayniyuq runataqa manam imapas qokunchu yachaymantaqa, payqa yachaysapapaqmi hapikun.

Proverbios 29:11

Mana yachayniyuq runaqa piñakuynintam kachaykun, yachayniyuq runam ichaqa piñakuyninta tanichin.

Eclesiastés 10:3

Mana yachayniyuq runaqa ruwayninkunawanmi mana yachayniyuq kasqanta qawachikun, rimayllanwanmi mana yachayniyuq kasqanta reqsichikun.

1~Samuel 10:16

Hinaptinmi tionta Saúl nirqa: Asnokunapa rikurirusqantañam willay-kuwarqaku, nispa. Imaynam rey kananmanta Samuelpa rimapayasqantam ichaqa mana imallatapas willarirqachu.