Proverbios 12:20 - CHUYA QELLQA La Biblia en Quechua de Ayacucho 2012

²⁰ Mana allinlla yuyaymanaq runakunapa sonqonpiqa engañollam kachkan, allinllata consejakuq runapa sonqonpim ichaqa kusikuy kachkan.

Quechua Ayacucho Bible 1987

²⁰ Mana allin piensaq runakunapa sonqonpiqa engañollam kachkan. Allin kaqkuna consejaq runapa sonqonpim ichaqa kusikuylla kachkan.

Chuya Qellqa 1992

²⁰ Mana allinlla yuyaymanaq runakunapa sonqonpiqa engañollam kachkan, allinllata consejakuq runapa sonqonpim ichaqa kusikuy kachkan.

Proverbios 12:20 Iomraidhean Croise

2~Crónicas 22:4

Acabpa mirayninkuna hinam mana allinkunata ruwarqa Tayta Diospa qayllanpi. Taytan wañukuptinmi Acabpa mirayninkuna mana allinkunata ruwananpaq consejarqaku.

Proverbios 12:12

Mana allin runakunapa wichichiqnin trampaqa kikinkupa mana allin munayllankum, allin runakunam ichaqa achkanpi ruruq sacha hina.

Proverbios 12:19

Cheqap rimaq runaqa wiñaypaqmi takyanqa, llulla rimaq runam ichaqa chaylla chinkarunqa.

Proverbios 12:21

Allin ruwaq runataqa manam imapas pasanqachu, mana allin runatam ichaqa rikchaqmana ñakariykuna ñakarichinqa.

Jeremías 17:16

Chaywanpas qanmanqa manam hamurqani ñakarichinaykipaq mañakuqchu, manataqmi sasachakuypi kanankutapas munarqanichu. Qamqa yachankim qayllaykipi imam rimasqaytapas.

Daniel 11:27

Chay iskay reykunaqa mana allin ruwanakuyllapi piensaspankum huk mesallapi tiyaykuspanku llullakunallata ninakunqaku, ichaqa yanqapaqmi chaykunata rimanakunqaku, Diospa nisqan tiempo manaraq chayamusqanrayku.

Zacarías 6:13

Tayta Diospa templonta musoqmanta hatarirachispanmi Rey kanqa, hatunchasqa kaspam trononmanta kamachikunqa, sacerdotepas trononpa waqtanpim tiyanqa, hinaspam iskayninku hawkalla kawsakunqaku, nispa.

Mateo 5:9

Mayna kusisqam hawkayayta maskaqkunaqa, paykunam Diospa churinwan sutichasqa kanqaku.

Romanos 1:29

Chaymi paykunaqa kay mana allin ruwaypa huntasqan kachkanku: Waqllikuqkuna, millakuypaq kaqta ruwaqkuna, qollqella kuyaqkuna chaynataq hukpa kaqninta munapayaqkuna, runa wañuchiqkuna, kikillanpaq munaqkuna, engañakuqkuna peleolla kuyaqkuna, cuento qepikuna,

Hebreos 12:14

Llapallanwanyá hawkalla kawsaychik, chuyanchakuypi kawsaychik, mana chuya kaspaqa manam pipas Señortaqa rikunqachu.