Proverbios 11:11 - CHUYA QELLQA La Biblia en Quechua de Ayacucho 2012

¹¹ Allin ruwaq runakunapa bendecisqanwanmi llaqta hatunchasqa, mana allin runakunapa rimayninmi ichaqa llaqtata tuñichin.

Quechua Ayacucho Bible 1987

¹¹ Diospa munasqanman hina ruraqkuna bendecisqa kaptinmi llaqtapas hatunchasqa kanqa. Mana allin ruraqkunapa rimayninwanmi ichaqa llaqtapas tuñichisqa kanqa.

Chuya Qellqa 1992

¹¹ Allin ruwaq runakunapa bendecisqanwanmi llaqta hatunchasqa, mana allin runakunapa rimayninmi ichaqa llaqtata tuñichin.

Proverbios 11:11 Iomraidhean Croise

Génesis 45:8

Chaynaqa, manam qamkunachu kaymanqa kachamuwarqankichik, aswanqa Diosmi; paytaqmi Faraonpa umachaqninta churaruwan, chaynapi lliw wasinpipas, Egipto nacionpipas kamachikuq kanaypaq.

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

Jobwan Sutichasqa Libro 22:30

Mana huchayuq kaptikiqa Diosmi librasunki, chuya kaptikiqa Diosmi salvasunki, nispa.

Proverbios 11:10

Allin ruwaq runakuna apuyaptinqa llaqtam kusikun, mana allin runakuna wañuruptinñataqmi kusikuymanta pawaykachanku.

Proverbios 11:12

Mana yachayniyuq runaqa runamasinmantam mana allinta riman, yachayniyuq runam ichaqa upallakun.

Proverbios 14:34

Allin kaqkunata ruwayqa nacionkunatam hatunchan, hucham ichaqa llaqtakunata penqayman churan.

Proverbios 28:2

Mana allin ruwaypa huntasqan llaqtapiqa achkallañam kamachikuqkunapas, yachaywan kamachikuqmi ichaqa allinta takyachin.

Proverbios 29:8

Chaqwa hatarichiq runakunaqa llaqtatam sasachakuyman apanku, yachayniyuqkunam ichaqa runakunapa piñakuyninta tanichinku.

Eclesiastés 9:15

Ichaqa chay llaqtapim yachayniyuq wakcha runa tarikurqa. Yachayninman hinaqa librarunmanmi karqa chay llaqtata, ichaqa wakcha kasqanraykum mana pipas paytaqa kaqpaqpas hapirqachu.

Santiago 3:6

Qallunchikpas chay nina hinam, tukuy mana allinkunata rimaspan llapallan cuerponchiktaña huchallichiwanchik. Infiernopa ratachisqan nina hinam tukuy kawsayninchikta huchallichin.