Proverbios 11:10 - CHUYA QELLQA La Biblia en Quechua de Ayacucho 2012

¹⁰ Allin ruwaq runakuna apuyaptinqa llaqtam kusikun, mana allin runakuna wañuruptinñataqmi kusikuymanta pawaykachanku.

Quechua Ayacucho Bible 1987

¹⁰ Allin ruraq runakunapa imankunapas miraptinqa llaqtamasinkunam kusikunku. Mana allin ruraq runakuna wañuruptinmi ichaqa kusikuymanta qaparinku.

Chuya Qellqa 1992

¹⁰ Allin ruwaq runakuna apuyaptinqa llaqtam kusikun, mana allin runakuna wañuruptinñataqmi kusikuymanta pawaykachanku.

Proverbios 11:10 Iomraidhean Croise

2~Reyes 11:20

Llaqtapi llapallan runakunam kusisqallaña kar-qaku. Ataliata reypa palacionpi wañurachisqankumantam llaqtapas hawkaña karqa.

2~Crónicas 23:13

Chaypim reyta rikururqa temploman yaykuna pilarpa waqtanpi sayachkaqta, rikururqataqmi kamachikuqkunatawan trompeta tocaqkunatapas reypa waqtanpi sayachkaqta, llapa runakunatapas kusikuyllawanña trompetakunata tocaspa takichkaqta, takiqkunatapas tocanakunawan yupaychachkaqta. Chaykunata Atalía qawaykuspanmi pachanta llikipakuspan qaparirqa: ¡Traicionmi kayqa, traicionmi kayqa! nispa.

2~Crónicas 23:21

Llapallan runakunam kusisqallaña karqaku. Ataliata espadawan wañurachisqankuraykum llaqtapas hawkaña karqa.

Jobwan Sutichasqa Libro 27:23

Taqllakuspa asipayachkaq hinam manchakuypaq wayra qatikachanqa, silbakuspa burlakuchkaq hinam maymi kasqanmanta aparunqa.

Éxodo 15:21

Mariañataqmi takispan nirqa: Tayta Diosman takiychik, hatun atiynintam qawachikurqa. Caballokunatapas sillakuqnintintam lamar qochapi chinkarachirqa, nispa.

Proverbios 11:11

Allin ruwaq runakunapa bendecisqanwanmi llaqta hatunchasqa, mana allin runakunapa rimayninmi ichaqa llaqtata tuñichin.

Proverbios 28:12

Allin kawsakuq runakuna venceptinkuqa hatun fiestatam ruwanku, mana allin runakuna venceptinkum ichaqa runakunapas pakakunku.

Proverbios 28:28

Millay runakuna hatariptinqa runakunam pakakunku, wañuruptinkum ichaqa allin ruwaq runakuna miranku.

Proverbios 29:2

Allin ruwaq runakuna munaychakuptinqa llaqtam kusikun, millay runa munaychakuptinmi ichaqa llaqta ñakarin.

Jeremías 51:48

Norte lawmanta tuñichiqkuna hamuptinmi, Babilonia tuñichisqa kaptinmi, cielokunawan chaypi tukuy ima kaqkuna, kay pachawan chaypi tukuy ima kaqkuna kusikunqaku. Ñoqa Tayta Diosmi chaynata nini.

Jueces 5:31

¡Dios Taytalláy, llapa enemigoykikuna chaynata wañuchunku! ¡Kuyasuqnikikunayá ichaqa qespimuq inti hinaraq kancharichunku! nispa. Chaymantam tawa chunka wata hawka karqaku.