Proverbios 10:27 - CHUYA QELLQA La Biblia en Quechua de Ayacucho 2012

²⁷ Tayta Diosta kasukuq runaqa unay punchawkunam kawsakunqa, mana allin runapa kawsayninmi ichaqa menosyachisqa kanqa.

Quechua Ayacucho Bible 1987

²⁷ Tayta Diosta respetaq runaqa unaymi kawsakunqa. Mana allin runakunapa watankunam ichaqa pisilla kanqa.

Chuya Qellqa 1992

²⁷ Tayta Diosta kasukuq runaqa unay punchawkunam kawsakunqa, mana allin runapa kawsayninmi ichaqa menosyachisqa kanqa.

Proverbios 10:27 Iomraidhean Croise

Proverbios 14:27

Tayta Diosta manchakuyqa kawsakuypa qallariyninmi, wañuymantam runata lluptichin.

Proverbios 28:18

Allin kawsakuq runaqa salvasqam kanqa, mana allin kawsaypi puriqmi ichaqa sasachakuyman wichinqa.

Proverbios 3:16

Yachayqa alleq makinwanmi unay kawsakuyta qokun, ichoq makinwanñataqmi apuyaytawan ancha reqsisqa kayta qokun,

Proverbios 3:2

hinaspaqa unay watakunam kawsakunki, kusikuytawan hawkayaytam tarinki.

Proverbios 9:11

Yachaymi nin: Unay punchawkunam kawsakunki, wataykikunapas yapasqam kanqa, nispa.

Eclesiastés 7:17

Amayá llumpay mana allin ruwaqqa kaychu, nitaq llumpay mana yachayniyuqpas kaychu, ¿imanasqataq manaraq tiempoykipi wañuwaq?

Jeremías 17:11

Imaynam hukpa runtunta oqllaq yutu hinam mana allinkunata ruwaspa apuyaruq runaqa, manaraq machuyachkaptinmi qorinpas qollqenpas tukunqa, hinaptinmi wakchayaypi tukunqa.

Lucas 12:20

Ichaqa Diosmi payta nirqa: “Mana yuyayniyuq runa, kunan tutam almayki mañaq hamuchkan. Chaynaqa, ¿pipaqtaq kanqa tukuy ima huñukusqaykiqa?” nispa.

Deuteronomio 11:9

hinaspa chay allpapi unay watakuna kawsanaykichikpaq. Chay allpatam ñawpaq taytay-kichikkunaman hinaspa paykunapa mirayninkunaman qonanpaq Tayta Dios prometekurqa, chay allpaqa tukuy imapa qespinan hinaspa tukuy imapa kanan allpam.