Proverbios 10:22 - CHUYA QELLQA La Biblia en Quechua de Ayacucho 2012

²² Diospa bendicionninqa apuyachikuqmi, Diospa bendicionninqa manam llakikuytaqa apamunchu.

Quechua Ayacucho Bible 1987

²² Tayta Diospa bendicioninmi apuyachin runataqa. Tayta Diospa bendicionninqa manam apamunchu llakikuytaqa.

Chuya Qellqa 1992

²² Diospa bendicionninqa apuyachikuqmi, Diospa bendicionninqa manam llakikuytaqa apamunchu.

Proverbios 10:22 Iomraidhean Croise

Génesis 12:2

Miraynikikunamantam hatun nacionta hatarichisaq, bendecisqaykim, ancha reqsisqatam ruwasqayki, qamraykum llapa runakunatapas bendecisaq.

Génesis 13:2

Abramqa apu runam karqa, animalninkunapas, qorinpas, qollqenpas achkallañam kapurqa.

Génesis 14:23

Manam qampa kaqtaqa ni huk qaytullantapas nitaq usutaykipa watullantapas hapisaqchu, nispay. Yanqañataqmi niwaq: “Ñoqam Abramtaqa apuyarachirqani”, nispayki.

Génesis 24:35

Patronniytam Tayta Dios sinchita bendecispan ovejakunawan, vacakunawan, camellokunawan, asnokunawan, qoriwan, qollqewan, criadokunawan criadakunawanpas apuyaykachin.

Génesis 26:12

Isaacmi chay allpapi tarpurqa, hinaspam tarpusqanmanta chay wata cosecharurqa hukllamanta pachak kuti masta, Tayta Dios bendecisqanrayku.

Génesis 26:13

Chaynapim Isaacqa apuyaruspan llumpay kapuqniyuqllaña rikurirurqa.

1~Reyes 21:19

Hinaspam ninki, Tayta Diosmi kaynata nin: ¿Nabotta wañurachichkaspapas huertantawanraqchu hapikuykunki? Maypim Nabotpa yawarninta allqokuna llaqwasqanpim qampa yawarnikitapas allqokuna llaqwanqa, nispa.

1~Crónicas 4:10

Jabesmi Israelpa Diosninta mañakuspa nirqa: “Ruegakuykim bendeciykuwanaykipaq, hatun allpata qoykuwanaykipaq, yanapaykuwanaykipaq, mana allinmanta libraykuwanaykipaq, chaynapi mana ñakarinaypaq”, nispa. Chaymi mañakusqanta Dios qoykurqa.

2~Crónicas 25:9

Hinaptinmi Diospa profetanta Amasías tapurqa: ¿Imatataq ruwasaq Israel nacionniyuq tropakunapaq kimsa waranqa kimsa pachaknin kilo qollqe qosqaymantaqa? nispa. Diospa profetanñataqmi nirqa: Tayta Diosmi chaymantaqa aswan masta kutichipusunki, nispa.

2~Crónicas 32:27

Rey Ezequiasqa apullaña hinaspa ancha reqsisqam karqa; payqa qori-qollqetawan alhaja rumikunata, perfumekunata, escudokunata hinaspa tukuy rikchaq kuyayllapaq kaqkunatapas achkallatañam huñukururqa.

2~Crónicas 32:29

Paytaqa Diosmi apuyachirqa, chayraykum animalninkunapas taksa hatun achkallaña kapurqa, llaqtakunatapas ruwachirqam.

Proverbios 14:24

Yachayniyuq runapa coronanqa yachayninmi, mana tanteoyuq runapañataqmi mana yachayniyuq kaynin.

Proverbios 20:21

Qallariyninpi imapas chaylla armasqa kaqkunaqa qepa punchawkunapim sasachakuyta apamun.

Proverbios 28:22

Imayuqpas karuyta munaqqa wañuy kawsaymi apuyaypi rin, ichaqa manam yachakunchu wakchayay hayparunantaqa.

Proverbios 8:21

Kuyaqniykunamanqa allin herenciatam qoni, wasintapas qori-qollqewanmi huntachini.

Daniel 1:15

Chunka punchaw pasaruptinmi chay jovenkunapa rikchayninqa aswan allinraq karqa reypa mikunan mikuq wakin jovenkunapa rikchayninmantapas.

Zacarías 5:4

Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.

Deuteronomio 26:10

Chayraykum kunan Tayta Diospa qowasqan allpapa punta rurunkunata apamuni”, nispa. Hinaspam Señornikichik Tayta Diospa qayllanpi canastata churaykuspa qonqorakunkichik.

Deuteronomio 28:11

Tayta Diosmi tukuy imatapas llim-parichkaqta qosunkichik: Churikichik-kunatam mirachinqa, mirachinqataqmi animalnikichikkunatawan cosechaykichikkunatapas. Chaynatam ruwanqa ñawpaq taytaykichikkunaman qosunaykichikpaq prometesqan allpapi.

Josué 6:18

Tayta Diospa ñakasqan llaqtapa kaqtaqa amam imantapas munapayankichikchu nitaqmi llapchankichikpaschu, yanqañataq chaykunata ruwaspaykichik Israelpa campamentonman ima ñakaytapas chayachimuwaqchik chaynataq ima sasachakuytapas aparamuwaqchik.