Proverbios 10:21 - CHUYA QELLQA La Biblia en Quechua de Ayacucho 2012

²¹ Allin runapa siminqa achkaqtam yachachin, mana yachayniyuqñataqmi mana yachayniyuq kayninpi wañun.

Quechua Ayacucho Bible 1987

²¹ Allin ruraq runapa rimasqanqa achkaqpa sonqontam saksaykachin. Mana yachayniyoq runataqa mana yachayniyoq kayninmi wañuchin.

Chuya Qellqa 1992

²¹ Allin runapa siminqa achkaqtam yachachin, mana yachayniyuqñataqmi mana yachayniyuq kayninpi wañun.

Proverbios 10:21 Iomraidhean Croise

Jobwan Sutichasqa Libro 23:12

Kamachisqantaqa mana qepanchaspam kasukurqani, rimarisqankunataqa mikunaymantapas aswanraqmi waqaycharqani.

Proverbios 1:29

Yachayta wischupakuspa Tayta Diosta mana kasukusqaykichikraykum,

Proverbios 1:31

mana allin ruwaynikichikpa rurunta mikunkichik, mana allin munaynikichiktam saksankichik.

Proverbios 1:32

Mana yachayniyuqkunataqa mana yachayniyuq kayninmi wañurachinqa. Mana tanteakuy yachaq runataqa, mana tanteakuy yachaq kayninmi chinkarachinqa.

Proverbios 10:11

Allin runapa rimayninqa kawsachikuq yaku hinam, mana allin runapa siminñataqmi wañuchinakuyllata riman.

Proverbios 12:18

Nanay simikunapa rimayninqa espada hinam kuchukun, yachayniyuq runapa rimayninmi ichaqa hampi.

Proverbios 15:4

Llampu simiqa kawsay qokuq sacha hinam, mana allin rimaymi ichaqa sonqota llakichin.

Proverbios 15:7

Allin yachayniyuq runakunapa siminqa yachaytam tarpun, mana yachayniyuq runakunam ichaqa mana chaynataqa ruwankuchu.

Proverbios 17:16

¿Imapaqtaq mana yachayniyuq runata qollqe servinman yachayta rantinanpaq mana entiendeq kachkaptinqa?

Proverbios 5:12

yanqañataq ñakakuspa niwaq: “Imapaqraq rimapayawasqankuta qepancharqani, imapaqraq anyawasqankuta wischupakurqani,

Proverbios 5:2

chaynapi llutanta ama rimanaykipaq, aswanqa yachaywan rimanaykipaq.

Proverbios 5:23

mana kasukuyninmi wañurachinqa, mana yachaywan ruwayninmi chinkarachinqa.

Proverbios 6:32

Hukpa warminwan huchallikuq runaqa mana yachayniyuq runam; chayta ruwaq runaqa kikillanmi tuñichikuchkan.

Eclesiastés 12:11

Yachayniyuqkunapa rimasqanqa ñawchi puntayuq kaspikuna hinam, yachachikuqkunapa rimasqanqa cla-vokuna hinam, chaynam michiqpa rima-riyninqa.

Isaías 5:13

Chaynaqa, mana yachayniyuq kasqanraykum llaqtayqa huklaw nacionman presochasqa rinqa. Paykunamanta reqsisqa runakunam yarqaymanta wañunqaku, llapallankum yakumanta chakinqaku.

Jeremías 15:16

Tukuy Atiyniyuq Dios Taytalláy rimapayawasqaykiman hinam palabraykita mikurqani. Chay palabraykikunaraykum sonqoypi anchallataña kusikurqani, ñoqaqa qampam kallani.

Jeremías 3:15

Sonqoypa munasqanman hina michisuqnikichiktam qosqaykichik, paykunam yachaywan chaynataq yuyaywan michisunkichik.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Mateo 12:35

Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman.

Mateo 13:19

Ñanman wichiykuq muhum Diospa munaychakuyninmanta palabrata uyarichkaspan mana entiendeq runaman rikchakun, paypa sonqonpi tarpusqa muhuta supay hamuruspa qechurusqanrayku.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

1~Pedro 5:2

Nanachi-kunaykichikpaq qosusqaykichik Diospa ovejankunatayá michiychik. Chaytaqa Diospa munasqanman hinayá ruwaychik, amayá hikutasqallachu nitaq qollqeraykullachu, aswanqa tukuy son-qoykichikmanta.