Proverbios 10:2 - CHUYA QELLQA La Biblia en Quechua de Ayacucho 2012

² Yanqapaqmi mana allinta ruwaspa apuyayqa, allin ruwaymi ichaqa wañuymanta librakun.

Quechua Ayacucho Bible 1987

² Yanqapaqmi mana allinta ruraspa apuyayqa. Wañuymantam librakun allin rurayqa.

Chuya Qellqa 1992

² Yanqapaqmi mana allinta ruwaspa apuyayqa, allin ruwaymi ichaqa wañuymanta librakun.

Proverbios 10:2 Iomraidhean Croise

Proverbios 11:4

Juicio punchawpiqa qori-qollqepas manam imapaqpas valenqachu; allin kawsakuymi ichaqa runata wañuymanta libranqa.

Proverbios 12:28

Allin kawsakuyqa kawsayman apakuq ñanmi, mana allin kawsaymi ichaqa wañuyman apakun.

Proverbios 13:11

Mana allinkunata ruwaspa tarisqa qollqeqa chayllam tukurun; llamkakuspa huñusqa qollqem ichaqa miranqa.

Proverbios 21:6

Llullakuywan huñusqa qori-qollqeqa wañuy maskaqkunapa yanqa munayllanmi.

Ezequiel 7:19

Qollqenkutapas callemanmi wis-chunqaku, qorinkutapas wanuta hinam wischunqaku. Tayta Diospa piñakuyninmantaqa manam qori-qollqenkupas librayta atinqachu. Mikuspapas manam saksanqakuchu, nitaqmi wiksankupas huntanqachu. Qorinkum paykunataqa mana allinman wichiykachirqa.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.

Romanos 5:21

Imaynam huchaqa wañuyta aparamuspan munaychakurqa, chaynam Diospa kuyakuyninpas mana huchayuqtaña ruwawaspanchik munaychakurqa, Jesucristontakama wiñay kawsakuyta qowaspanchik.

Filipenses 3:9

chaynapi paywan hukllaña kanaypaq, manam ley cumplisqayraykuchu mana huchayuqpaqqa chaskisqa kasaq, aswanqa Cristoman iñikuptiymi mana huchayuqpaqña Dios chaskiwan.