Proverbios 10:19 - CHUYA QELLQA La Biblia en Quechua de Ayacucho 2012

¹⁹ Rimaysapa runaqa pantanpunim, siminta wichqakuy yachaqmi ichaqa yachayniyuq.

Quechua Ayacucho Bible 1987

¹⁹ Rimaysapa runaqa huchallikuqllañam. Pisi rimaq runaqa yachaysapallañam.

Chuya Qellqa 1992

¹⁹ Rimaysapa runaqa pantanpunim, siminta wichqakuy yachaqmi ichaqa yachayniyuq.

Proverbios 10:19 Iomraidhean Croise

Jobwan Sutichasqa Libro 11:2

Chayna achkallaña rimaykunaqa contestasqam kanan. ¿Pipas achkallataña rimaspanchum mana huchayuqpaq hapisqa kanman?

Proverbios 11:12

Mana yachayniyuq runaqa runamasinmantam mana allinta riman, yachayniyuq runam ichaqa upallakun.

Proverbios 11:13

Cuento qepi runaqa pakasqa kaqkunatam willakachakun, confianza runam ichaqa imam willasqaykitapas pakaykun.

Proverbios 12:23

Yachayniyuq runaqa yachayninmantapas manam alabakunchu, mana yachayniyuqmi ichaqa mana yuyayniyuq kayninta qawachikun.

Proverbios 18:21

Wañuypas kawsaypas runapa rimayninpim tarikun, chayta kuyaqqa ruruntam mikunqa.

Eclesiastés 5:1

Diospa templonman rispaykiqa qasillalla kaspayá yachachikuyta allinta uyariy, amayá mana yachayniyuq runakunapa sacrificasqanta hina ofrecenaykipaqchu, paykunaqa manam yachankuchu mana allin ruwasqankutaqa.

Eclesiastés 5:2

Amayá apurawmanqa imatapas rimaruychu, amayá sonqoykipipas nitaq yuyaymanaynikipas hawanpi-ukunpiqa Diosman prometekuruychu; Diosqa hanaq pachapim kachkan, qamñataqmi kay pachapi kachkanki. Chaynaqa, pisillatayá rimay.

Eclesiastés 5:3

Pipas llumpayta piensaspaqa muspaypi hinam rikurirun, pipas llumpayta rimaspaqa mana pasaqllatam imatapas riman.

Santiago 1:19

Kuyasqay wawqe-panillaykuna, qamkunaqa chaylla uyariqyá kaychik, allinta tanteaspayá rimaychikpas, amataqyá piñakuqllañaqa kaychikchu.

Santiago 3:2

Llapa-llanchikmi imaymanapi pantanchik, sichum rimasqanwan pipas mana huchallikuspanqa mana pantaq runañam kachkan, chayna kaspaqa tukuy cuerpontapas controlanmanmi.