Oseas 9:6 - CHUYA QELLQA La Biblia en Quechua de Ayacucho 2012

⁶ Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Quechua Ayacucho Bible 1987

⁶ Paykunaqa puchukaymantam ayqekunku. Egipto nacionpim huñunakunqaku. Menfis llaqtapim pampasqa kanqaku. Itanam wiñarunqa sumaqllaña qollqenkupipas. Kichkakunam wiñarunqa paykunapa yachananpipas.

Chuya Qellqa 1992

⁶ Wañuymanta ayqeptikichikpas Egipto nacionmi hapimusunkichik, Menfis llaqtapim pampasunkichik. Llaqtaykichikpipas chaynataq qori-qollqemanta alhajaykichikpipas mana allin qorakunawan kichkakunam wiñanqa.

Oseas 9:6 Iomraidhean Croise

2~Reyes 13:7

Siria nacionpa reynin chinkarachispan ñutu allpata hinaña ruwaruptinmi, rey Joacazpa soldadonkunamantaqa puchururqa caballopi sillakuqkunamanta pichqa chunka runakunawan guerrapaq chunka carretakuna hinaspa chakiwan riqkunamanta chunka waranqa soldadokunallaña.

Proverbios 24:31

hinaspaymi rikururqani chay chakrapiqa kichkakunallaña wiñarusqanta, cerconkunapas tuñisqa kasqanta.

Isaías 11:11

Chay tiempokunapim, puchuq runankunata reclamananpaq Tayta Dios huktawan makinta hoqarinqa, hinaspam Asiriamanta, Egiptomanta, Patrosmanta, Cusmanta, Sinarmanta, Hamatmanta, Elam lawmanta, lamar qochapa patanpi kaq nacionkunamanta huñumunqa.

Isaías 19:13

Zoán llaqtapi kamachikuqkunaqa roqrukamam, Menfis llaqtapi kamachikuqkunaqa lliwmi engañarachikunku. Ayllunkupi kamachikuqkunaqa, Egipto nacionta pantayman apaqkunam.

Isaías 27:12

Chay punchawmi Tayta Diosqa, Eufrates mayumanta Egipto wayqopi mayukama, trigota saruchkaq hina sarunqa, qamkunam ichaqa chulla-chullamanta akllasqa kankichis.

Isaías 32:13

Runaykunapa allpanpipas, kusikuypa kanan wasikunapipas, pukllakuypa kanan llaqta ukupipas, kichkakunawan qorakunallañam wiñanqa.

Isaías 34:13

Palacionkunapipas kichkakunallaña wiñanqa, mana yaykuy atina llaqtankunapipas kichkayuq qorakunallaña wiñanqa; atoqkunawan avestruzkunallañam chaypiqa yachanqa,

Isaías 5:6

Purmarachispaymi saqerusaq, manaña mallkisqa, manaña qorasqam kanqa, kichkakunapa qorakunapa huntaykusqanñam kanqa, puyukunatapas mana paramunanpaqmi kamachisaq.

Isaías 7:23

Chay tiempopim waranqa uvas plantakunapa wiñanan chakra, waranqa qollqepa chanin chakra, kichkakunapa chaynataq mana allin qorakunapa wiñananmanña tikrakunqa.

Jeremías 2:16

Menfis llaqtayuqkunam, Tafnes llaqtayuqkunam, umaykita pakirunku.

Jeremías 42:22

Chaynaqa, cheqaptapunim kunan nikichik: Yachanaykichikpaq risqaykichik nacionpim, guerrawan, yarqaywan hinaspa peste onqoywan wañumunkichik, nispa.

Jeremías 44:1

Egipto nacionpi kaq Migdol llaqtapi, Tafnes llaqtapi, Menfis llaqtapi hinaspa Patros lawpi yachaq Judá runakunapaqmi Jeremiasta Tayta Dios nirqa:

Jeremías 44:12

Judá nacionpi qeparuspa kay Egipto nacionman yachanaykichikpaq hamuqkunapas, kay Egipto nacionpim llapallaykichik tukusqa kankichik. Llapallaykichikmi uchuy-hatun gue-rrawan, yarqaywan wañunkichik, hinaspam runakunapa ñakasqan, insultasqan hinaspa penqayman churasqan kankichik.

Jeremías 44:13

Jerusalenpi yachaqkunata guerrawan, yarqaywan hinaspa peste onqoywan castigasqayta hinam, kay Egipto nacionpi yachaqkunatapas castigasaq.

Jeremías 46:14

Egiptopi willakamuychik. Migdol, Menfis hinaspa Tafnes llaqtakunaman kaynata nimuychik: ¡Puestoykichikpi listolla kaychik! ¡Espadam muyuriqnikichikpi wañuchichkan! nispaykichik.

Jeremías 46:19

Egipto nacionniyuq runakuna, preso rinaykichikpaq qepikichikta alistakuychik. Menfis llaqtam chunnichisqa kanqa, manaña runayuq kanankamam purmanqa.

Ezequiel 30:13

Ñoqa Tayta Diosmi kaynata nini: Idolokunatapas chinkarachisaqmi, Menfis llaqtapi idolokunatapas tukusaqmi. Egiptopiqa kamachikuqpas manam kanqañachu Egipto naciontam manchakuywan huntaykusaq.

Ezequiel 30:16

Egipto naciontam kañaykusaq, Sin llaqtapas nanaywanmi qewipakunqa; Tebas llaqtapa murallankunapas uchkupasqallañam rikurirunqa, Menfis llaqtapas punchawpacham atacasqa kanqa.

Oseas 10:8

Yupaychananku sitiokunapas tuñichisqam kanqa, chaypim Israel castakuna idolota yupaychaspa huchallikurqaku; altarkunapa hawanpipas qorakunawan kichkakunam wiñanqa. Chaymi Israel miraykuna orqokunata ninqaku: ¡Pampaykuwayku! nispanku, moqokunatapas, ¡hawaykumanyá wichiykamuy! nispanku.

Oseas 11:11

Alton pawaq urpikuna hinam Egiptomanta katkatatastin pawamunqaku; palomakuna hinam Asiriamanta katkatatastin hamunqaku, chaymi yapamanta wasinkupiña kawsachikusaq. Tayta Diosmi chaynata nin.

Oseas 2:6

Chayraykum purinantapas kichkakunawan qencharusaq, purinanpa muyuriqninta perqaruptiymi ñan purinantapas mana tarinqachu.

Oseas 7:11

Efrainqa mana yuyayniyuq uma muyu paloma hinam rikurirun, paykunaqa Egiptopa yanapakuynintam maskanku, qaparkachaspam Asiriapa yanapakuyninta maskanku.

Oseas 7:13

¡Ay, imaynaraq kanqaku ñoqamanta karunchakuq runakuna! Contraypi hatarisqankuraykum puchukanqaku, libraykuyta munaptiypas paykunaqa contraypim llullallata rimanku.

Oseas 7:16

Paykunaqa manam Tayta Diosmanchu kutirikurqaku, aswanqa idolonkumanmi; paykunaqa mana imapaq serviq flecha hinam kachkanku, kamachiqninkunapas hatun tukuspa rimasqankuraykum guerrapi wañunqaku, Egipto nacionpim paykunamantaqa asikunqaku.

Oseas 8:13

Aychata mikunankuraykum ofrendatawan sacrificiota kañapuwanku, ichaqa ñoqa Tayta Diosmi chaytaqa mana chaskinichu. Ñoqam llumpay hucha ruwasqankuta qawachkani, chayraykum paykunataqa ñakarichisaq, Egipto nacionmanmi esclavo kanankupaq kutichisaq.

Oseas 9:3

Tayta Diospa qosusqaykichik allpamantapas wischusqam kankichik. Efrainmi Egiptoman kutinqa, Asiriapipas mana mikunaykichiktam mikunkichik.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Sofonías 1:11

Mactes lawpi yachaqkuna allwaychik, llapa negociantekunatam puchukarachin, qollqewan llamkaqkunatam chinkarachin.

1~Samuel 13:6

Filisteokuna llumpayta atacamuptinmi, Israel runakuna sasachakuypi rikurirurqaku, chaymi machaykunapi, uchkukunapi, qaqakunapi chaynataq chakisqa pozokunapi pakakurqaku.