Oseas 9:13 - CHUYA QELLQA La Biblia en Quechua de Ayacucho 2012

¹³ Efrainwan Tiroqa kaqkamallam, palmerakunapa pastokunapa chawpinpi sapinchasqam, ichaqa Efrainmi churinkunata wañuyman apanqa.

Quechua Ayacucho Bible 1987

¹³ Efrainpa castankunaqa rikchakapuwarqa palmerakunapa kanan sumaqllaña montemanmi. Paykunaqa rikchakapuwarqa pastokunapa wiñananpi sumaqllaña palmerakunamanmi. Ichaqa cheqaptaqa manam chaynachu kasqa. Runa wañuchiqkunaman churinkunata pusaqmi paykunaqa kasqa.

Chuya Qellqa 1992

¹³ Efrainwan Tiroqa kaqkamallam, palmerakunapa pastokunapa chawpinpi sapinchasqam, ichaqa Efrainmi wawankunata wañuyman apanqa.

Oseas 9:13 Iomraidhean Croise

2~Reyes 15:16

Chay tiempopim Manahemqa Tirsa llaqtamanta qallaykuspan Tifsa llaqtata chaynataq muyuriqninpi llaqtakunatapas atacaspan saquearurqa, hinaspam llapa wiksayuq warmikunapa wiksantapas kicharurqa. Chaytaqa ruwarqa Tifsa llaqtapa punkunkunata mana kichasqankuraykum.

Jobwan Sutichasqa Libro 27:14

Achkallaña churinkunapas guerrapi wañuchisqam kanqaku, wakinñataqmi yarqaymanta puchukanqaku.

Jeremías 7:15

Castaykichik Efrainpa mirayninkuna qarqosqayta hinam, qamkunatapas qayllaymanta qarqosqaykichik.

Jeremías 9:21

Wañuymi wasinchikman yaykuramun, wañuymi palacionchikkunaman chayaramun; warmakunatam callekunapi wañuchichkan, jovenkunatam plazakunapi wañuchichkan.

Lamentaciones 2:22

Fiestaman hinam mancharichiqniykuta tukuy hinastinmanta huñuramunki. Dios Taytalláy, piñakusqayki punchawpiqa manam pipas kawsachkaqqa ayqerqachu, Allinta uywaspa qespichisqaytapas enemigoymi hamuruspan wañurachin.

Ezequiel 27:3

Lamar qochapa patanpi Tiro llaqta, nacionkunawan chaynataq lamar qochapa patanpi llaqtakunawan negocio ruwaq llaqta, Tayta Diosmi kaynata nin: Tiro llaqta, qanmi nirqanki: “Ñoqaqa ancha kuyayllapaq barco hinam kani”, nispayki.

Oseas 10:14

Chayraykum llaqtaykikunapi guerra hatarinqa, murallasqa llaqtaykikunapas tuñichisqam kanqa, wawakunapas mamankuwan kuskam wañunqaku, imaynam Bet-arbel llaqtata rey Salmán chinkachisqanta hina.

Oseas 13:16

Samariapas Diospa contranpi hatarisqanraykum chinkanqa; espadapa puntanpim wañunqaku, wawakunapas pampaman waqtasqam wañunqaku, wiksayuq warmikunapas wiksanku llikisqam wañunqaku.

Oseas 13:8

Wawanta chinkarachiq ukumari hinam hapiruspay qasqonkutapas llikiparusaq, león hinam paykunataqa mikurusaq, purun animal hinam paykunataqa tisaparusaq.

Oseas 14:1

Israel castakuna, Tayta Diosman kutirikuychik; huchaykichikraykum qamkunaqa urmarunkichik.

Oseas 9:16

Efrainmi onqorun, sapinmi chakirun manañam rurunqachu. Wawa-churiyuqña kaptinpas chay ancha kuyasqan wawantam wañurachisaq.

Amós 7:17

Chayraykum Tayta Dios kaynata nin: Warmikim llaqtapa chawpinpi chuchumika kanqa, churikikunam espadapi wañunqaku, allpaykitapas sorteaspam rakinakunqaku; qampas Diosta mana reqsiq runakunapa llaqtanpim wañunki, Israelñataqmi karu llaqtaman preso apasqa kanqa, nispa.