Oseas 9:1 - CHUYA QELLQA La Biblia en Quechua de Ayacucho 2012

¹ Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Quechua Ayacucho Bible 1987

¹ Israelpa castankuna, amayá qamkunaqa kusikuychikchu. Sapaq runakuna hinaqa amayá qamkunaqa kusikuychikchu. Qamkunaqariki hukwan-hukwan tupakuruq warmi hinam kachkankichik. Diosnikichikmanta karunchakuruspam qamkunaqa chayna kachkankichik. Imaynam huchapakuq warmi chaskin pagonta. Chaynam qamkunapas chaskikunkichik erapi kawsaykunata.

Chuya Qellqa 1992

¹ Israelpa mirayninkuna, ama kusikuymanta pawaykachaychikchu, Diosta mana reqsiq llaqtakuna hinaqa. Diosnikichikmanta karunchakuruspam chuchumika warmi hinaña kachkankichik, trigo erakunapim pagota chaskikunkichik.

Oseas 9:1 Iomraidhean Croise

Isaías 17:11

tarpusqayki punchawllam wiñarachinkipas, paqarintillanmi rururachinkipas. Ichaqa mana hampiy atina onqoy hapirusqanraykum mana imatapas cosechankiñachu.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 44:17

Aswanqa munasqaykuman hinam ruwasaqku. Ñoqaykuqa hinallam cielopi reinaman inciensota kañaspa vinota tallipusaqku. Kunankama ruwasqaykuta hinallam ruwasaqku. Ñoqaykuqa ñawpaq taytaykupa, reyniykupa chaynataq kamachiqniykupa, Judá nacionpi kaq llaqtankunapi chaynataq Jerusalén llaqtapa plazankunapi ruwasqaykuta hinam ruwasaqku. Chaynata ruwaptiykuqa mikunaykupas achkallañam karqa, hawkam kawsakurqanikupas, manataqmi ima sasachakuypas hamuwarqakuchu.

Lamentaciones 4:21

Edom nacionpi kaqkuna, asikuychik; Uz lawpi yachaqkuna, kusikuychik. Qanmanpas tomanayki copam chayamunqa, sinkaruspa qalalla kanaykikamam chayamunqa.

Ezequiel 16:15

Ichaqa kuyayllapaq kaynikimanmi hapipakururqanki, hinaspam ancha reqsisqa kasqaykirayku chuchumika hinaña rikurirurqanki, llapallan chayninta puriqkunawanmi qanrakurqanki.

Ezequiel 16:30

Ñoqa Tayta Diosmi kaynata nini: Sonqoykiqa pimanpas chaylla wayllukuykuqmi karqa; millakuypaq kaqkunata ruwachkaspapas chuchumika warmimantapas aswan mana penqakuqraqmi rikurirurqanki.

Ezequiel 20:32

Qamkunam nichkankichik: “Ñoqan-chikpas kaspimanta rumimanta idolokunata serviq nacionkuna hina kasunchik”, nispaykichik. Ichaqa manam qamkunapa munasqaykichikman hinachu kanqa.

Ezequiel 21:10

Ñawchiyachisqaqa kachkan wañuchinanpaqmi, ñawchiyachisqaqa kachkan llipya hina llipityananpaqmi.

Oseas 10:5

Bet-avenpi yupaychasqanku qori torillo idolota chinkarachisqankumantam Samaria law runakuna chaynallataq sacerdotenkunapas waqachkanku.

Oseas 2:12

Uvas plantankunatawan higos sachankunatapas wituchisaqmi. Chaykunamantam pay nirqa: “Kaykunaqa kuyaqniykunapa pagawasqanmi”, nispa. Chaykunata qorayarachiptiymi purun animalkunaña mikunqaku.

Oseas 4:12

Llaqtaymi kullumanta idolokunata tapukun, chay kulluñataqmi paykunaman kutichin. Aychankupa munasqanta ruwaspankum mana allin ñanninta pasakunku, chuchumikayaruspam ñoqa Diosninkumanta karunchakurunku.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Oseas 5:7

Mana reqsisqa runakunapa churinta wachakuspam ñoqa Tayta Diosta qepancharuwankichik; chayraykum qamkunapas kapuqnikichikkunapas huk killallapi tukusqa kankichik.

Amós 3:2

Kay pachapi lliw ayllukunamantam qamkunallata akllakurqaykichik. Chayraykum tukuy mana allinkuna ruwasqaykichikmanta castigasqaykichik.

Amós 4:5

Sapa tutapaytayá levadurayuq tantata kañapuychik, sapa kimsa punchawyá diezmoykichiktapas chayman astaychik, ofrendata apamunankupaqyá tukuy hinastinpi qayaykachakamuychik, aswan mastaraqyá huchallikuychik. Israelpa mirayninkuna, hucha ruwaytam qamkunaqa kuyankichik. Tayta Diosmi chaynata nin.

Amós 6:13

Qamkunam Lo-Debar llaqtata vencerusqaykichikmanta kusikuspa ninkichik: ¿Manachum kallpanchikwan Carnaín llaqtatapas vencerunchik? nispaykichik.

Amós 8:10

Fiestaykichikkunatapas waqakuyman tikraspam, takikichikkunatapas qapariyman tikrasaq; qachqa pachawan pachachispam chukchaykichiktapas rutuchisqaykichik. Sapallan wawa churinmanta waqaqkunata hina kay pachata ruwaptiymi ancha ñakakuyllapiña tukunkichik, nispa.

Santiago 4:16

Qamkunam ichaqa hatun tukuspa kikillaykichikmanta alabakunkichik, chayna hatun tukuyqa manam allinchu.

Santiago 5:1

Apukuna, ¡kayta uyariychik! Qepa punchaw ñakarinaykichikmantayá waqaspa qaparkachaychik.