Oseas 8:8 - CHUYA QELLQA La Biblia en Quechua de Ayacucho 2012

⁸ ¡Israelmi mikusqa rikurirun! Llapa nacionkunam mana valeqpaq qawaspanku paymanta asikunqaku.

Quechua Ayacucho Bible 1987

⁸ Millpurusqa hinam rikurirun Israelpa castankunaqa. Mana valeq manka paki hinañam rikurirun nacionkunapa qawasqanman hinaqa.

Chuya Qellqa 1992

⁸ ¡Israelmi mikusqa rikurirun!, llapa nacionkunam mana valeqpaq qawaspanku paymanta asikunqaku.

Oseas 8:8 Iomraidhean Croise

2~Reyes 18:11

Asiria nacionpa reynin Salmanasarmi Israel runakunata presocharuspan Asiria nacionman aparqa, hinaspanmi Halah llaqtapi, Habor mayupa patanpi kaq Gozán llaqtapi chaynataq Media nacionpa llaqtankunapipas churarurqa, chaypiña yachanankupaq.

Isaías 30:14

Wichiykamuspam puyñu hina pakikunqa, mana kuyapayarispa pakipasqam kanqa. Chaymanta puchuq kallanaqa nina sansata hoqarinallankupaqpas manam servinqachu, pozomanta yakuta wisinallankupaqpas manam valenqachu, nispa.

Jeremías 22:28

Jeconiasqa ¿manaña pipapas munanan pakisqa aysaku hinachu rikurirun? ¿Mana imapaq valeq kallana hinachu rikurirun? ¿Imanasqataq paytapas chaynataq churinkunatapas mana reqsisqanku nacionman qarqorunku?

Jeremías 25:34

Michiqkuna nanaywan qaparispa waqaychik, llaqtay michiqkuna allpapi kuchpaykachakuychik, Nakasqa kanaykichik punchawmi chayaramun, poqosqa carnerokuna hinam nakachikunkichik; kuyayllapaq vaso hinam pakikunkichik.

Jeremías 48:38

Moab naciontam ñutuparuni, mana valeq allpa mankata hinam pakiparuni; chayraykum Moab nacionpa altosninkunapipas, llapallan callenkunapipas, waqayllaña uyarikuchkan.

Jeremías 50:17

Israelqa leonkunapa cheqerachisqan chinkasqa oveja hinam. Puntatam Asiria nación mikururqa, paypa qepantañataqmi Babilonia nacionpa reynin Nabucodonosor tullunkunatawanpas katkarqa.

Jeremías 51:34

Sión llaqtam kaynata nin: Babiloniapa reynin Nabucodonosormi ñutuparuwaspan mikuruwarqa, mana imayuq platota hinam saqeruwarqa, rakrapu hinam millpuruwarqa, ñoqawan wiksanta huntarachispanmi atqoruwarqa.

Lamentaciones 2:16

Enemigoykikunam contraykipi rimanku, burlakususpaykim kirunkuta kirichichisparaq ninku: Paytaqa ¡millpurusunchikmi! ¡Cheqaptapunim suyasqanchik punchaw chayaramun! ¡Kayqaya rikurunchikraq! nispanku.

Lamentaciones 2:2

Señorqa mana llakipayarispam Jacobpa wasinkunata tuñirachin, piñakuywanmi Judá nacionpa sumaq perqankunata tuñirachin, kamachikuqkunapa munaychakuynintam penqayman churarun.

Lamentaciones 2:5

Señorqa enemigo hinam ruwarun: Israeltam palacionkunatawan lliwta tuñirachirqa, muyuriqninpi murallankunatam purmarachirqa. Kuyayllapaq Judá naciontam ñakarichispan waqachirqa.

Lamentaciones 4:2

Sión llaqtapi ancha kuyasqa runakunam qorimantapas aswan allinpaq hapisqa runakunam, allpa manka hinaña rikurirunku, runapa ruwasqan allpa manka hinañam rikurirunku.

Lamentaciones 5:2

Tukuy imayku kaqpas huklaw llaqtayuqkunapa makinpiñam, wasiykupas mana reqsisqayku runakunapañam.

Ezequiel 36:3

Chaynaqa, ñoqa Tayta Diospa nisqayta kaynata profetizay: Qamkunataqa kayninta chayninta atacamuspam tuñichisurqankichik. Huklaw nacionkunam qamkunamanta munaychakururqaku; llapa runakunañataqmi qamkunamanta burlakuspa asikurqaku.

Levítico 26:33

Huklaw nacionkunamanmi cheqechisqaykichik, hinaspam guerrawan qatikachachisqaykichik, nacionnikichikmi chunninqa, llaqtaykichikkunam purmanqa.

Romanos 9:22

Diosmi piñakuyninta hinaspa atiyninta qawachiyta munarqa. Chaywanpas ñutupanapaq manka hina castigopaqña kachkaptinpas pacienciaykuspam aguantarqa.

Deuteronomio 28:25

Tay-ta Diosmi enemigoykichikkunawan vencechisunkichik. Enemigoykichikpa contranpim huk ñanninta seqella lloqsinkichik, ichaqa qanchis ñannintam paykunamanta ayqenkichik. Llapa nacionkunapa munaychakunanñam kankichik.

Deuteronomio 28:64

Tayta Diosmi llapallan nacionkunaman, kay pachapa patanmanta huknin patankama cheqechisunkichik. Chaypim qamkunapa chaynataq ñawpaq taytaykikunapa mana reqsisqan kullumanta hinaspa rumimanta ruwasqa idolokunataña servinkichik.