Oseas 8:7 - CHUYA QELLQA La Biblia en Quechua de Ayacucho 2012

⁷ Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Quechua Ayacucho Bible 1987

⁷ Paykunaqa tumpalla pukumuq wayrata hinam tarpuypaq-tarpunku. Ichaqa llumpa-llumpay pukumuq vientota hinam cosechanqaku. Manam espiganqachu wiñaq trigonkupas. Chayraykum harinankupas mana kanqachu. Ichaqa trigota cosecharuptinkupas forasterokuna mikuruptinkum mana takyanqachu.

Chuya Qellqa 1992

⁷ Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Oseas 8:7 Iomraidhean Croise

Génesis 41:23

Chaynataqmi rupaq wayrapa chakichisqan qanchis pusillanña espigakunapas sumaqllaña espigakunapa qepanta lloqsimuchkasqa.

2~Reyes 15:19

Asiria nacionpa reynin Tiglat-pilesermi Israel nacionta atacananpaq hamurqa, chaymi rey Manahemqa kimsa chunka kimsayuq waranqa kilo qollqeta Tiglat-pileserman qorqa, Manahempa favorninpi kaspan munaychakuyninpi takyachinanpaq.

2~Reyes 15:29

Israelpi rey Peka munaychakuchkaptinmi Asiria nacionpa reynin Tiglat-pileser Israelman chayarurqa. Atacaspa vencesqan llaqtakunam kaykuna: Ijón, Abel-bet-maaca, Janoa, Cedes, Hazor, Galaad, Galilea hinaspa Neftalí law; venceruspanmi llapa runankunatapas presocharuspan Asiria nacionman aparqa.

Jobwan Sutichasqa Libro 4:8

Rikusqayman hinaqa, cheqnikuytawan mana allinllata tarpuqqa chaynallatam cosechan.

Proverbios 22:8

Mana allin kaqkunallata tarpuqqa sasachakuyllatam cosechanqa, Tayta Diosmi piñakuy tawnanwan tuñichinqa.

Eclesiastés 5:16

Mayna llakikuypaqmi runaqa nacesqanman hina mana imayuq tukuruyninqa. Hinaptinqa ¿imatataq hurqokun maynataña llamkaspanpas?

Isaías 17:11

tarpusqayki punchawllam wiñarachinkipas, paqarintillanmi rururachinkipas. Ichaqa mana hampiy atina onqoy hapirusqanraykum mana imatapas cosechankiñachu.

Isaías 55:2

¿Imapaqtaq mana mikunaykichik kaqkunapi qollqekichikta tukunkichik? ¿Imapaqtaq mana saksanaykichik kaqkunapi llamkasqaykichikta usuchinkichik? Allinta uyariwaychik hinaspaqa allinnintam mikunkichik, miski mikuykunata mikuptikichikmi sonqoykichikpas kusikunqa.

Isaías 66:15

Tayta Diosqa ninapa chawpinpim hamuchkan, carretankunapas kallpasapa viento hinaraqmi hamuchkan; llumpay piñakuynintam kacharimunqa, lenwachkaq nina hina piñakuyninwami castiganqa.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Lamentaciones 5:2

Tukuy imayku kaqpas huklaw llaqtayuqkunapa makinpiñam, wasiykupas mana reqsisqayku runakunapañam.

Oseas 2:9

Chayraykum tiemponpi rispay trigoytapas vinoytapas kutichikamusaq; qalalla cuerponta pakaykunanpaq linotawan millwa qosqaytam qechumusaq.

Oseas 7:9

Huklaw nación runakunam paykunapa kallpanta tukurun, ichaqa manam musyakunkuchu; umankupas soqoyarunñam ichaqa manam musyakunkuchu.

Oseas 9:16

Efrainmi onqorun, sapinmi chakirun manañam rurunqachu. Wawa-churiyuqña kaptinpas chay ancha kuyasqan wawantam wañurachisaq.

Nahúm 1:3

Tayta Diosqa mana chaylla piñakuruqmi, payqa ancha hatun atiyniyuqmi, huchayuq runataqa castiganqapunim; para-wayrapi chaynataq vientokunapipas puriqmi, puyukunapas purisqanpa polvonmi.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Gálatas 6:7

Amayá qamkunaqa engañakuychik-chu, Diostaqa manam pipas burlakunmanchu, runaqa imapas tarpusqantam cosechanqa.

Gálatas 6:8

Aychapa munasqallan tarpuqqa aychaman hinallam wañuyta cosechanqa. Chuya Espirituman hina tarpuqmi ichaqa, Chuya Espirituman hina wiñay kawsayta cosechanqa.

Deuteronomio 28:33

Chakraykimanta cosechasqaykikunatawan llamkaspa huñusqaykikunatapas mana reqsisqayki runakunam mikukunqaku. Sarutyasqa kaspam chaylla-chaylla ñakarinki.