Oseas 8:6 - CHUYA QELLQA La Biblia en Quechua de Ayacucho 2012

⁶ Yaw Israel, Samariapi yupaychasqayki qori torilloqa manam dioschu, chayqa runapa ruwasqallanmi; chayraykum pasaypaq ñutusqa kanqa.

Quechua Ayacucho Bible 1987

⁶ Israel castakunamá chaynaqa kachkankichik. Manam Dioschu Samaria lawpi malta toroman rikchakuq taytachaqa. Imagenkuna ruraqllamiki rurarun chaytaqa. Chayqariki pasaypaq chinkachisqam kanqa.

Chuya Qellqa 1992

⁶ Yaw Israel, Samariapi yupaychasqayki qori torilloqa manam dioschu, chayqa runapa ruwasqallanmi; chayraykum pasaypaq ñutusqa kanqa.

Oseas 8:6 Iomraidhean Croise

2~Reyes 23:15

Tuñichirqam Bet-elpi altartapas, chay altartaqa Israel nacionta huchallichiq Nabatpa churin Jeroboammi hatarichirqa. Chaymantam uchpayanankama kañarurqa. Asera idolotapas kañarurqam.

2~Reyes 23:19

Tayta Diosta piñachinankupaq Israel nacionpi reykunapa Samaria llaqtapa muyuriqninpi hatarichisqanku capillakunatapas lliwtam, Bet-el llaqtapi ruwasqanta hinam rey Josiasqa chinkarachirqa.

2~Crónicas 13:8

Kunanñataqmi Tayta Diospa munaychakuyninpa contranpi hatarichkankichik Davidpa mirayninkunapa kachkaptinpas achkallaña kasqaykichikrayku, hinaspam Jeroboampa qorimanta ruwachisqan torillokunataña diosnikichikpaq hapirunkichik.

2~Crónicas 31:1

Tukuy chaykuna tukuruptinmi, chaypi kaq Israel runakuna Judá nacionpi llaqtakunaman lloqsispanku rumimanta idolokunatawan Asera idolokunata ñutuparurqaku; Judá, Benjamín, Efraín hinaspa Manasés lawkunapi kaq altarkunatapas lliwtam tuñirachirqaku. Chaymantam Israelpa mirayninkunaqa maymi kasqankuman sapakama kutikurqaku.

Jeremías 10:14

Runakunaqa llapallankum asnoyarunku, llapallankum mana yachayniyuq rikurirunku. Metalmanta idolokuna ruwaqkunam penqaypi rikurirunku, fundisqa idolokunaqa pantaymi paykunapaqa manam kawsayninpas kanchu.

Jeremías 48:13

Moab nacionmi Quemos sutiyuq idolonmanta penqakunqa, imaynam Israelpas hapipakusqan Bet-elmanta penqakusqanta hina.

Jeremías 50:2

Llapallan nacionkunaman willakamuychik, banderata hoqarispa qapariychik, mana imata pakaspa kaynata niychik: “Babilonia nacionmi vencesqa rikurirun, Bel sutiyuq idolonkum penqaypi rikurirun, Marduc sutiyuq idolonkupas ñutupasqam kachkan, tukuy rikchaq idolonkunapas penqakuypaqmi ñutupasqa kachkan”, nispaykichik.

Oseas 10:2

Israelpa mirayninkunaqa iskay uya runakunam, chay huchankumantam ñakarinqaku, Tayta Diosmi idolonkutapas ñutunqa, suma-sumaq altarninkunatapas tuñichinqam.

Oseas 13:2

Kunanpas paykunaqa hinallam huchallikuchkanku, qollqenkutapas chulluchispam tanteasqankuman hina idolokunata ruwakuchkanku, hinaspam runakunata ninku: “Qori torillo idoloman sacrificiota qoychik, hinaspa muchaykuychik”, nispanku.

Oseas 14:3

Asiriaqa manam salvawanmankuñachu, guerrapaq caballokunapipas manañam sillakusaqkuñachu; makiykuwan ruwasqayku idolokunatapas manañam: “Diosnillayku” nisaqkuñachu; aswanqa wakchakunapas qam Diosnillaykupin llakipayakuyta tarinku”, nispaykichik.

Miqueas 1:7

Idolonkunapas ñutupasqam kanqa, yupaychanan kullukunapas kañasqam kanqa. Chaykunaqa chuchumika kaspan ganakusqan qollqewan ruwasqam karqa, chayraykum huktawan chuchumikapa qollqenman tikrasqa kanqa, nispa.

Habacuc 2:18

¿Imapaqtaq valenman runapa ruwasqan idoloqa? ¿Imapaqtaq valenman pantayman pusakuq idoloqa? Idolokunaqa manam rimanchu, ¿ruwaqnin runapas imaynataq chaykunapi hapipakunman?

Hechos 17:29

Diospa mirayninkuna kachkaspaqa, amayá Diosmantaqa piensasunchu qorimanta, qollqemanta, rumimanta ruwasqa idolokuna hina kasqantaqa, chaykunataqa runakunallam tanteasqanman hina ruwarqaku.

Hechos 19:26

Ichaqa qamkunam rikuchkankichik hinaspa uyarichkankichik kay Pablopa rimasqanta, paymi nichkan: “Runapa ruwasqanqa manam dioskunachu”, nispa. Chaynata nispaqa manam pantachichkan kay Éfeso llaqtapi kaqkunallatachu, aswanqa lliw Asia lawpi kaqkunatawanmi.