Oseas 8:10 - CHUYA QELLQA La Biblia en Quechua de Ayacucho 2012

¹⁰ Nacionkunaman chaynataq Asiriaman tributo qoyninkupas, paykunataqa manam yanapanqachu, paykunataqa huklaw nacionkunakama apachiptiymi, reykunapa munaychakuqkunapa ñakarichisqan kanqaku ichaqa manam unaychu ñakarinqaku.

Quechua Ayacucho Bible 1987

¹⁰ Nacionkunapi soldadokunaman pagaptinkum paykunataqa huñunarusaq. Chaywanpas Efrainpa castankunaqa aswan-aswanmi asllayanqaku. Hatun rey ñakarichiptinmi paykunaqa asllayanqaku.

Chuya Qellqa 1992

¹⁰ Nacionkunaman chaynataq Asiriaman tributo qoyninkupas, paykunataqa manam yanapanqachu, paykunataqa huklaw nacionkunakama apachiptiymi, reykunapa munaychakuqkunapa ñakarichisqan kanqaku ichaqa manam unaychu ñakarinqaku.

Oseas 8:10 Iomraidhean Croise

2~Reyes 14:26

Hatun ñakariypi Israel runakuna kawsasqankuraykum paykunataqa Tayta Dios qawarirqa. Manañam pipas Israel naciontaqa yanaparqañachu.

2~Reyes 17:3

Rey Oseaspa contranpim Asiria nacionpa reynin Salmanasar hamurqa. Venceruptinmi Oseasqa paytaña servispan impuestota pagarqa.

2~Reyes 17:4

Ichaqa rey Oseasmi Asiria nacionpa reynin Salmanasarpa contranpi hoqarikunanpaq Egiptopa reynin So sutiyuq runaman comisionta kacharqa; Asiria nacionpa reyninman watan-watan paganan impuestotapas manañam pagarqachu. Chaykunata rey Salmanasar yacharuspanmi rey Oseasta carcelpi wichqarurqa.

1~Crónicas 5:26

Chayraykum Israelpa Diosninqa, Asiria nacionpa reynin Pulta paykunapa contranpi kachamurqa. Pulpa huknin sutinqa karqa Tiglat-pilesermi. Paymi Rubén aylluta, Gad aylluta hinaspa Manasespa wakin ayllunta presota aparurqa Halah lawman, Habor lawman, Hara lawman hinaspa Gozán mayu lawman, chaypim kunankamapas yachachkanku.

Isaías 10:8

Paymi nin: Nacionkunapa reyninkunaqa nisqayta ruwaqkunallam.

Isaías 30:2

Mana ñoqata tapuwaspankum Egipto nacionman chaylla rinku, rey Faraonpi hapipakuspam yanapakuyta maskanku.

Isaías 36:13

Chaynata niruspanmi sayaykuspan hebreo simipi qaparispan nirqa: Asiria nacionpa ancha reqsisqa reyninpa nisqanta uyariychik:

Jeremías 42:2

profeta Jeremiasman asuykuspanku nirqaku: Mañakuykikum llapallan kaypi puchuqkunapaq yupaychasqayki Tayta Diosta mañakunaykipaq. Rikuwasqaykikupi hinapas achkamantam ñoqallaykuña puchuruniku.

Ezequiel 16:33

Llapa chuchumikaqa piwan karuspapas cobranmi, qanmi ichaqa qanrakusqayki runakunamanpas rega-lokunataraq pagarqanki. Tukuy hinas-tinmanta hamuspanku qanwan huchallikunankupaqmi regalokunataraq qorqanki.

Ezequiel 16:37

Chayraykum qanrakusqayki waynaykikunata llapallanta huñurusaq, huñurusaqtaqmi kuyasqayki kaqkunatapas chaynataq cheqnisqayki kaqkunatapas. Muyuriqnikiman huñuruspaymi qayllankupi llatanarusqayki, hinaptinmi llapallanku qalalla cuerpoykita qawanqaku.

Ezequiel 22:20

Imaynam qollqeta, cobreta, fierrota, titita hinaspa estañota hornopi ninawan chulluchinku, chaynatam ñoqapas qamkunata huñuruspay piñakuyniywan chulluchisqaykichik.

Ezequiel 23:5

Aholam ñoqawan kachkaspan hukwan-hukwan kakuyta qallaykurqa, Asiria nacionniyuq tropakunata kuyaruspanmi paykunawan pierdekururqa.

Ezequiel 26:7

Ñoqa Tayta Diosmi kaynata nini: Tiro llaqtapa contranpim norte lawmanta Babilonia nacionpa reynin Nabucodonosorta pusamuchkani, payqa llumpay atiyniyuq reymi, paymi carretakunawan, silladakunawan hinaspa nana-nanaq tropakunawan, Tiro llaqtata atacananpaq hamuchkan.

Daniel 2:37

Reynilláy, qamqa kanki reykunapapas reyninmi, hanaq pacha Diosmi qosurqanki nacionkunata munaychakuspa atiywan kamachinaykipaq chaynataq ancha reqsisqa kanaykipaq.

Oseas 10:10

Munarisqay punchawmi qamkunataqa castigasqaykichik, nacionkunam contraykichikpi huñunakunqa, llumpay huchaykichikmanta ñakarichisunaykichikpaq.

Oseas 12:2

Tayta Diosmi Judá castakunawan juiciopi tarikun, Jacobpa mirayninkunatam mana allin kawsasqankumanta ñakarichinqa, ruwayninkuman hinam pagapunqa.

Hageo 2:6

Tukuy imapa hawanpi munaychakuq Tayta Diosmi kaynata nin: Manapas unaymantam, cielokunatawan kay pachata, lamar qochatawan chaki allpata kuyurichisaq.