Oseas 8:1 - CHUYA QELLQA La Biblia en Quechua de Ayacucho 2012

¹ Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Quechua Ayacucho Bible 1987

¹ Cornetatayá tocay, enemigom hamuchkan. Enemigoqa anka hinaraqmi hamuchkan. Paykunaqa temploypa contranpim hamuchkan. Runakunam contratoyta mana kasukunkuchu. Runakunam yachachikuyniyta mana kasukunkuchu.

Chuya Qellqa 1992

¹ Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Oseas 8:1 Iomraidhean Croise

2~Reyes 18:27

Chay kamachikuqmi ichaqa paykunata nirqa: Reyniyqa manam qamkunamanwan reynillaykichikman willanaypaqchu kachamuwarqa, aswanqa muralla hawanpi kaq runakunamanwan willanaypaqmi, paykunapas qamkunawan kuskam hatun ispayninkuta mikunqaku, chaynataqmi yaku ispayninkutapas tomanqaku, nispa.

Isaías 18:3

Kay pacha muyuriqpi kawsaq runakuna, orqokunapi banderata sayachiptinkum qawankichik, trompetata tocaptinkum uyarinkichik.

Isaías 24:5

Kay pachatam llapa runa millakuypaqta ruwarunku, kamachikuykunata mana kasukuspanku, allin ruwayta saqeruspanku, wiña-wiñaypaq pacto ruwasqankuta saqeruspanku.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Jeremías 34:18

Judá nacionpi chaynataq Jerusalén llaqtapi kamachikuqkunam, palaciopi serviqninkunawan, llapa sacerdotekunawan hinaspa llapallan runakunawan kuska huk contratota qayllaypi ruwarqaku.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 4:5

Judá nacionpiwan Jerusalén llaqtapi kaqkunaman willamuychik, trompetata tocaspa lliw nacionpi kallpawan kaynata qaparimuychik: ¡Hamuychik, murallasqa llaqtakunaman huñunakusunchik! nispaykichik.

Jeremías 48:40

Tayta Diosmi kaynata nin: Moab nacionpa contranpim enemigonkuna hamunqaku, rapranta mastarispa pawaykuchkaq anka hinaraqmi atacanqaku.

Jeremías 49:22

Enemigoqa rapranta kicharispa pawaykuq anka hinaraqmi Bosra llaqtaman pawaykunqa. Chay punchawpim Edom nacionpa allinnin qari-qari runankunapas wachakuywan ñakariq warmi hinaraq qaparkachanqaku, nispa.

Jeremías 51:27

Banderata kay nacionpi hoqariychik, nacionkunapi trompetata tocaychik, Babiloniata atacanankupaq nacionkunata alistamuychik. ¡Araratpi, Minipi hinaspa Askenazpi tropakunata hatarichimuychik! Chay tropakunapa capitanninta churaychik. Caballopi silladakunata aqaruway urukunata hinaña hatarichimuychik.

Jeremías 6:1

¡Benjaminpa mirayninkuna, Jerusalén llaqtamanta lluptiychik! ¡Tecoa llaqtapi trompetata tocaychik! ¡Bet-haquerem llaqtapi señalta qosnichiychik! Norte lawmantam sasachakuy hamuchkan, hatun ñakariymi hichpamuchkan.

Ezequiel 11:4

Chaynaqa, runapa churin, paykunapa contranpi profetizamuy, nispa.

Ezequiel 16:59

Ñoqa Tayta Diosmi kaynata nini: Juramentowan pacto ruwasqanchikta mana kasukusqaykimantam merecesqaykiman hina castigasqayki.

Ezequiel 17:3

Tayta Diosmi kaynata nin: Hatu-hatun ankam Líbano orqoman chayaramurqa, raprankunapas hatu-hatuntam mastarikurqa, purankunapas tukuy rikchaq colorniyuqmi kasqa. Paymi cedropa puntanman tiyarurqa.

Ezequiel 7:14

Guerraman rinankupaqmi trompetata tocaspa tukuy imata alistanqaku, ichaqa manam pipas riq kanqachu, ñoqapa piñakuyniymi paykunapa hawanpi kachkan.

Oseas 4:6

Mana yachayniyuq kasqanraykum llaqtayqa chinkachisqa karqa. Yachachikuyniyta wischupakusqaykiraykum sacerdote kaynikimantapas qarqorusqayki; Diosnikipa kamachikuyninkunata qonqarusqaykiraykum ñoqapas miraynikikunata qonqarusaq.

Oseas 5:8

Gabaa llaqtapi cornetata tocaychik, Ramá llaqtapi trompetata tocaychik. Bet-avén llaqtapiwan Benjaminpi, ¡guerra! nispa qapariychik.

Oseas 6:7

Paykunaqa Adán hinam pacto ruwasqayta mana kasukunkuchu. Chaynapim ñoqata qepanchawanku.

Oseas 9:15

Tayta Diosmi kaynata nin: Gilgal llaqtapim tukuy mana allinkuna ruwayta qallaykurqaku, chaypim ñoqapas paykuna cheqniyta qallaykurqani; tukuy mana allinkuna ruwasqankuraykum temploymantapas paykunata wischurusaq; paykunataqa manañam kuyasaqñachu, llapa kamachiqninkupas mana kasukuqkunam.

Joel 2:1

Sión moqopi trompetata tocaychik, sapaqchakusqay orqopi guerrapaq cornetata tocaychik, kay nacionpi yachaqkuna katkatataychik; Tayta Diospa punchawninmi chayamuchkanña, Tayta Diospa punchawninmi hichpamuchkanña.

Joel 2:15

Sión moqopi cornetata tocaychik, ayunoman qayaspa runakunata huñuychik.

Amós 3:6

¿Yaqachu trompetata llaqtapi tocaptinku runakuna hawka kakunmanku? ¿Yaqachu llaqtapi ima sasachakuypas hatarinman Tayta Dios mana kacharimuchkaptin?

Amós 8:3

Chay punchawqa temploypi takiqkunapas qaparispam waqanqaku. Achka runa wañuruptinmi mana imata rimarispa ayakunatapas llutanpi wischunqaku. Tayta Diosmi chaynata nin.

Amós 9:1

Señortam altarpa waqtanpi sayachkaqta rikurqani, paymi niwarqa: Pilarkunata waqtay cimientonkuna kuyurinankama, ñutukuspa runakunapa hawanman wichimuchun. Chaymanta puchuqtam espadawan wañuchisaq; paykunamantaqa manam hukllapas lluptinqachu, nitaqmi pipas vidanta salvanqachu.

Habacuc 1:8

Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

Sofonías 1:16

Chay punchawpiqa trompetam uyarikunqa, murallasqa hatun torreyuq llaqtakunapa contranpim guerrapaq qaparinqaku.

Zacarías 11:1

Yaw, Líbano orqo, punkuykita kichariy cedro sachaykikunata nina rupachun.

Zacarías 9:14

Tayta Diosmi llaqtanpi qawachikunqa, flechankunatapas llipyata hinam kacharinqa; Tayta Diosmi trompetata tocanqa, sur lawmanta hatarimuq remolino wayrapa chawpintam hamunqa.

Mateo 24:28

Maypim ayapa kasqanpim ullachkukunapas huñunakunqaku.

1~Corintios 15:52

Huk ñawi qemchiyllatam trompetapa tukupay tocayninpi tikrasqa kasunchik, trompetata tocaykamuptinmi wañuqkuna kawsarimunqa manaña wañunankupaq, ñoqanchikpas tikrasqam kasunchik.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.