Oseas 7:7 - CHUYA QELLQA La Biblia en Quechua de Ayacucho 2012

⁷ Paykunaqa rupachkaq horno hinam kamachiqninkunatapas mikurunku; llapallan reyninkum wichirunku, ichaqa manam mayqanninpas yanapakuyniyta mañakuwankuchu.

Quechua Ayacucho Bible 1987

⁷ Paykunaqa llapallankum horno hinaraq rupachkanku. Kamachiqninkutapas horno hinaraqmi chinkachichkanku. Llapallan reyninkum wichiykun chaynataqa. Manam hukllapas mañakuwankuchu paykunamantaqa.

Chuya Qellqa 1992

⁷ Paykunaqa rupachkaq horno hinam kamachiqninkunatapas mikurunku; llapallan reyninkum wichirunku, ichaqa manam mayqanninpas yanapakuyniyta mañakuwankuchu.

Oseas 7:7 Iomraidhean Croise

1~Reyes 15:28

Judá nacionpi rey Asa kimsa wataña munaychakuchkaptinmi rey Nadabta Baasa wañurachirqa, hinaspam payña munaychakurqa.

1~Reyes 16:18

Zimriñataqmi vencesqaña kasqanta qawakuykuspan palacio ukuman yaykuruspan pakakururqa, hinaspam ukupi kachkaspan palaciota kañaykurqa, chaypim kikinpas ruparuspa wañururqa.

1~Reyes 16:22

Ichaqa Omripa qatiqninkunam Ginatpa churin Tibnipa qatiqninkunata vencerurqaku. Chaynapim Tibni wañuruptin Omriña munaychakurqa.

2~Reyes 10:14

Hinaptinmi Jehú kamachikurqa: Kawsachkaqllata kaykunata hapiychik, nispa. Kawsachkaqllata hapiruspankum, oveja michiqkunapa huñunakunanku hichpanpi kaq pozopa waqtanpi tawa chunka iskayniyuq runakunata mana pitapas puchuspa wañurachirqaku.

2~Reyes 10:7

Chaymi cartata chaskiruspallanku, reypa qanchis chunka churinkunata wañurachispanku umankuta canastapi Jezreel llaqtapi Jehuman apachirqaku.

2~Reyes 15:10

Zacariaspa contranpi Jabespa churin Salum hoqarikuruspanmi runakunapa qayllanpi atacaruspan wañurachirqa, hinaspam payña Zacariaspa rantinpi munaychakurqa.

2~Reyes 15:14

Gadipa churin Manahemmi Tirsa llaqtamanta Samaria llaqtaman rispan Jabespa churin Salumta wañurachirqa, hinaspam Salumpa rantinpi payña munaychakurqa.

2~Reyes 15:25

Pekaiapa contranpim hoqarikururqa Remaliaspa churin Peka. Pekam Argobwan hinaspa Ariewan kuska Ga-laad lawmanta pichqa chunka runakunawan yanapachikuspan rey Pekaiata wañurachirqa, Samaria llaqtapi reypa palacionpi. Chaynapim paypa rantinpi Pekaña munaychakurqa.

2~Reyes 15:30

Judá nacionpi Uziaspa churin rey Jotam iskay chunka wataña munaychakuchkaptinmi, Elapa churin Oseas Remaliaspa churin Pekapa contranpi hoqarikuruspan wañurachirqa, chaynapim Pekapa rantinpi Oseasña munaychakuyta qallaykurqa.

2~Reyes 9:24

Jehuñataqmi flechanta hapiykuspan qepanmanta Joramta flecharurqa. Sonqonta flecha lloqsiruptinmi Joramqa carretanmanta wichiykurqa.

2~Reyes 9:33

Paykunatam Jehú kamachirqa: ¡Chay warmita wischuykamuychik! nispa. Hinaptinmi wischuykamuptinku perqamanwan caballokunaman Jezabelpa yawarnin pawaykurqa. Jehuñataqmi carretanwan chay warmipa hawanta pasarurqa.

Jobwan Sutichasqa Libro 36:13

Iskay uya runakunaqa piñakuyninkutam sonqonkupi waqaychanku, castigasqa kachkaspankupas Diospa yanapakuynintaqa manam mañakunkuchu.

Isaías 43:22

Chaywanpas Jacobpa miraynin Israel llaqta, manam ñoqatachu qayakuwarqanki, aswanqa ñoqatam amiruwanki.

Isaías 64:4

Manam pipas uyarirqachu, ñawpaqmantapas manam pipas qanmanta sapaq Diostaqa rikurqachu; qamllam hapipakuqninkunapaq allin ruwaq Diosqa kanki.

Isaías 64:6

Ñoqaykuqa llapallaykum millakuypaqña kachkaniku, allinkuna ruwasqaykupas millakuypaq qacha latapa hinam kachkan. Qawiruspa wichisqa llaqekuna hinam kachkaniku, mana allinkuna ruwasqaykupa apasqanmi kachkaniku.

Isaías 64:7

Manam pipas qayakamusuqnikiqa kanñachu, hapipakamusuqnikipas manam kanñachu. Qanmi ñoqaykumanta karunchakurunki, mana allin ruwasqaykupa munaychakusqantam saqeruwankiku.

Isaías 9:13

Chaywanpas paykunaqa manam castigaqninku Diosmanqa kutirikurqakuchu, Tukuy Atiyniyuq Tayta Diostapas manam maskarqakuchu.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Daniel 9:13

Moisespa qellqasqan yachachi-kuykunaman hinam kay tukuy ñakariy-kunaqa chayaruwanku. Dios Taytallayku, chaywanpas ñoqaykuqa manam qampa yanapakuynikitaqa maskarqanikuchu, mana allin ruwasqaykumantapas manataqmi wanakurqanikuchu, cheqap kaqnikikunataqa manam uyariqpas tukurqanikuchu.

Oseas 13:10

¿Maytaq chay reyniki llaqtaykikunapi salvasunaykipaq? ¿Maypitaq chay kamachiqnikikuna kachkan? Qamkunaqa paykunatam reyta qosunaykichikpaq mañakurqankichik.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Oseas 7:10

Israelpa hatun tukuyninmi kikinpa contranpi rikurirun, ichaqa manam Tayta Diosman kutirikunkuchu nitaqmi maskankuchu.

Oseas 7:14

Paykunaqa manam sonqomantachu mañakuwanku, aswanmi puñunankupi sirikuykuspa qaparkachanku. Trigotawan vinota chaskinankuraykum cuerponkuta kuchukunku, hinaspam contraypi hatarinku.

Oseas 8:4

Paykunaqa mana simiywanmi reykunatapas churakurunku, kamachiqninkunatapas mana reqsisqay runakunatam churakuykunku; puchukanankupaqmi qorimantawan qollqemanta idolokunata ruwakurunku.

Miqueas 2:1

¡Ay, imallapiraq rikukunqaku! Puñusqankupi mana allinta tantearuspa achikyaramuptinñataq kamachikuq kasqankurayku chay mana allin tanteasqankuta ruwayman churaqkuna.