Oseas 7:3 - CHUYA QELLQA La Biblia en Quechua de Ayacucho 2012

³ Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Quechua Ayacucho Bible 1987

³ Mana allinta ruraspankum reyninkuta kusichinku. Llullakunata rimaspankum kamachiqninkuta kusichinku.

Chuya Qellqa 1992

³ Mana allinta ruwaspankum reyninkuta kusichinku, llullakunata rimaspankum kamachiqninkuta kusichinku.

Oseas 7:3 Iomraidhean Croise

1~Reyes 22:13

Qayamunanpaq riq runañataqmi Micaiasta nirqa: Llapa profetakunaqa lliwpas allinllatam reyman willachkanku. Chaynaqa, ama hina kaspayá qampas paykuna hina allinllata nimuy, nispa.

1~Reyes 22:6

Chaymi Israelpa reynin, yaqa tawa pachak profetakunata huñurachirqa, hinaspam tapurqa: ¿Risaqchu Galaad lawpi Ramot llaqtapa contranpi peleaq icha manachu? nispa. Hinaptinmi paykunañataq nirqaku: Arí, riypuni, Tayta Diosmi makikiman churamunqa, nispanku.

Jeremías 37:19

¿Maypitaq kachkan “Babilonia nacionpa reyninqa, manam atacamusunkichikchu qamkunatapas nitaq kay naciontapas”, nispa nisuqnikichik profetakunaqa?

Jeremías 5:31

Profetakunam llullata profetizanku, sacerdotekunam munayninkuman hina kamachikunku, runaykunañataqmi paykunaman hapipakunku. Ichaqa, ¿imatataq tukupay punchaw chayamuptin ruwankichik?

Jeremías 9:2

Imaynaraq chunniqpi samakuna wasi kanman, kay llaqtamanta chayman ayqekunaypaq. Llapallankum iskay uyaña rikurirunku, llapallankum qepanchakuqllaña rikurirunku.

Oseas 10:13

Qamkunam ichaqa mana allinllata tarpuchkankichik, mana allinllata cosechaspam llullakuynikichikpa rurunta mikuchkankichik. Qamkunaqa tropaykichikpa kallpanpim hapipakunkichik.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Oseas 4:2

Aswanqa yanqamanta juramentaywan llullakuymi, wañuchinakuywan suwakuymi, cheqninakuywan waqllikuymi mirakuchkan, manaña tukuytam wañuchinakuchkanku.

Oseas 5:11

Efrainmi ñakarichisqa kachkan, pipañapas munaychakusqanmi kachkan, idolokunata qatisqanraykum chaynaqa kachkan.

Oseas 7:5

Reypa fiestan punchawpim llapa kamachikuqkuna reyta llumpayta upyarachispa onqorachirqaku, burlakuqnin runakunamanraqmi reyqa makintapas haywarirqa.

Miqueas 6:16

Rey Omripa kamachikuyninkunatam kasukurqanki, rey Acabpa ayllunkuna ruwasqankutam ruwarqanki, paykunapa nisusqaykiman hinam kawsarqanki. Chayraykum purmachisqa kanki, runaykikunatañataqmi burlakuspa asipayanqaku, llaqtaypa penqayninmi hawaykiman chayanqa.

Miqueas 7:3

Mana allin ruwaymanmi amañarunku, kamachikuqkunapas pagotam mañakunku, juezkunapas sobornotam chaskikunku, atiyniyuqkuna munasqanta rimaptinkum “allinmi” nispa sayapakunku.

Romanos 1:32

Paykunaqa yachankum chayna ruwaqkunaqa wañuypaq Diospa sentenciasqan kasqankuta, ichaqa yachachkaspankupas hinallam ruwanku, hinaspam chay mana allin ruwaqkunapa ruwasqanwanpas kusikunku.

1~Juan 4:5

Paykunaqa kay pachapi kaqkunallam, chayraykum kay pachapi kaqkunallamanta rimanku, kay pachapi kaqkunañataqmi uyarinku.