Oseas 7:15 - CHUYA QELLQA La Biblia en Quechua de Ayacucho 2012

¹⁵ Ñoqam paykunataqa kallpanchaspay yachachirqani, ichaqa paykunam contraypi tukuy mana allinkunata tantearqaku.

Quechua Ayacucho Bible 1987

¹⁵ Ñoqamiki yachachirqani paykunataqa. Ñoqamiki kallpancharqani paykunataqa. Ichaqa contraypim mana allinta piensarqaku paykunaqa.

Chuya Qellqa 1992

¹⁵ Ñoqam paykunataqa kallpanchaspay yachachirqani, ichaqa paykunam contraypi tukuy mana allinkunata tantearqaku.

Oseas 7:15 Iomraidhean Croise

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

2~Reyes 13:5

Chaymi Israel nacionman libraqninta Tayta Dios qoykuptin Siria nacionmanta librakuruspanku ñawpaqta hina wasinkupiña hawka yachakurqaku.

Jobwan Sutichasqa Libro 5:17

¡Mayna kusisqam Diospa corregisqan runaqa! Chaynaqa, Tukuy Atiyniyuq Diospa castigontaqa amayá wischupakuychu.

Proverbios 3:11

Churilláy, Tayta Diospa corregisusqaykitaqa ama wischupakuychu, corregisuptikiqa amayá piñakuychu.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Oseas 13:9

Israel miraykuna, ñoqam chinkarachisqaykichik; hinaptinqa, ¿pitaq yanapasunkichik?

Nahúm 1:9

¿Imatataq Tayta Diospa contranpi piensachkankichik? Payqa pasaypaqtam chinkarachisunkichik, huk kutillatam enemigonkunamantapas vengakun.

Hechos 4:25

Qanmi Chuya Espirituykiwan serviqniki ñawpaq taytayku Davidta nirqanki: “¿Imanasqataq nacionkuna piñakuywan hatarinku? ¿Imanasqataq runakuna yanqakunata tanteanku?

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

2~Corintios 10:5

Tuñichintaqmi Dios reqsiypa contranpi hatun tukuspa hatariqkunatapas chaynataq Diospa contranpi hoqarikuqkunatapas, runakunapa imaymana piensasqantam Cristomanña hapichiniku kasukunankupaq.

Hebreos 12:5

Qamkunaqa churinkunaman hina Diospa kayna rimapayasusqaykichiktapas qonqarunkichikñam. Qellqam kaynata nin: “Churilláy, Señorpa castigontaqa amayá despreciaychu.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.